Дуучин Г. Түмэндэмбэрэл “ОХИДЫН УЯНГА”

Хөгжмийг БНМАУ-ын Төрийн шагналт, Ардын Жүжигчин, МУ-ын Хөдөлмөрийн Баатар Дагвын ЛУВСАНШАРАВ Шүлгийг МУ-ын Соёлын Гавьяат Зүтгэлтэн, Ардын билиг зүйч Жамцын БАДРАА Дуучин БНМАУ-ын Ардын Жүжигчин Гомбын ТҮМЭНДЭМБЭРЭЛ ОХИДЫН УЯНГА (Дуулсан:) “Мелодия” 1976 г. Зуны хөндийг дүүргэсэн Цэцгийн далай долгиостой. Зургийн хуар шиг охид маань Цэнгэлийн бүжиг бүжээрэй! Уудам талыг баясгасан Яруу хөгжим эгшиглэлээ. Уран гоолиг охид маань Ялдам дуулж бүжээрэй! Уран гоолиг охид маань Ялдам дуулж бүжээрэй! Арцтай царван анхилсан Хээрийн агаар тунарлаа. Ариун танхил охид маань Хээнцэр нахилам бүжээрэй! Ай хө, зээ хө, ай хө, зээ хөө Ариун танхил охид маань Хээнцэр нахилам бүжээрэй! (Зохиогдсон:) Зуны хөндийг дүүргэсэн Цэцгийн далай долгислоо. Зургийн хуар шиг охид минь Цэнгэлийн бүжиг бүжээрэй! Ай хө, зээ хө, ай хө, зээ хөө Зургийн хуар шиг охид минь Цэнгэлийн бүжиг бүжээрэй! Уудам талыг баясгасан Яруу хөгжим эгшиглэлээ. Уран гоолиг охид минь Ялдам дуулан бүжээрэй! Ай хө, зээ хө, ай хө, зээ хөө Уран гоолиг охид минь Ялдам дуулан бүжээрэй. Арцтай царван анхилсан Хээрийн агаар тунарлаа. Ариун танхил охид минь Хээнцэр нахилан бүжээрэй! Ай хө, зээ хө, ай хө, зээ хөө Ариун танхил охид минь Хээнцэр нахилан бүжээрэй! Тунгалаг мөрнийг хөвөөлсөн Тансаг жимсгэнэ бөнжигнөлөө. Тунсаг гоовой охид минь Тавлаг нахилан бүжээрэй! Ай хө, зээ хө, ай хө, зээ хөө Тунсаг гоовой охид минь Тавлаг нахилан бүжээрэй! Хацар уруулд хүрэлцсэн Намираа салхин сэржигнэлээ. Хамгаас жавхлант охид минь Намжир дэрсхэн бүжээрэй! Ай хө, зээ хө, ай хө, зээ хөө Хамгаас жавхлант охид минь Намжир дэрсхэн бүжээрэй!