Top News - U prish krushqia / Dy familje përleshen në Durrës, shmanget tragjedia

Policia ka ndërhyrë duke parandaluar përshkallëzimin e mundshëm të konfliktit mes dy familjeve në fshatin Arapaj të Durrësit. Shkak është bërë prishja e martesës mes dy të rinjsh. U arrestuan në flagrancë Korab dhe Nazmie Uka, si dhe Gëzim Demiri. Gjithashtu, nisi procedimi në gjendje të lirë për vajzën e Gëzim Demirit, e cila akuzohet për veprën penale “Dhuna në familje”. Sipas policisë, babai dhe vajza kanë shkuar në banesën e dhëndrit në Arapaj me qëllim prishjen e martesës por u konfliktuan fizikisht me njëri-tjetrin duke ushtruar dhunë. Policia ka ndërhyrë menjëherë duke shmangur përdorimin e armëve. Shërbimet e Policisë, gjatë kontrollit në banesën e Korab Ukës, gjetën një armë zjarri kallashnikov dhe 30 fishekë luftarak, të cilët u sekuestruan në cilësinë e provës materiale. Gjithashtu një 28-vjeçar është shpallur në kërkim nga Policia e Shkodrës, pasi i është drejtuar me kallash shoferit të një makine, i cili bëri një parakalim të gabuar. Mark Preka ka marrë armën e tij automatike në momentin kur është parakaluar nga 23-vjeçari A.Gj. Ka nisur procedimi në gjendje të lirë, për veprën penale “Moskallëzimi i krimit”, për katër të rinj të tjerë përkatësisht 21, 19, 21 dhe 30 vjeç, të gjithë banues në fshatin Barbullush, Vau i Dejës, pasi kanë tentuar të fshehin armën e zjarrit që mbante 28 veçari. Gjatë ndjekjes nga Policia, Mark Preka ka hedhur armën e zjarrit dhe është larguar. Sekuestrohet në cilësinë e provës materiale arma e zjarrit tip automatik. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Durrës#TopChannel