Igisirikare carasozereye ihiganwa rya gisirikare risozera umwaka w'inyigisho n'imyimenyerezo

#Burundi #FDNB Ikambi y'abasirikare bacungera inzego #BSPI yatahukanye ikibanza ca mbere, ishure ry'ibisongerezi mu gisirikare #ESO riba irya kabiri, akarere ka kane ka gisirikare nako kaja mu kibanza ca gatatu, mu mahiganwa yahuje, kuva ku wa 19 gushika kuwa 23 Rusama 2025, abo mu rwego rwo kwivuna abansi. Lieutenant Général Jean-Paul Habimana, icegera c'uwuroncoye urwego rwo kwivuna abansi, asaba abarongoye abandi kurushirizaho kwitwararika inyigisho n'imyimenyerezo ku bo barongoye gushika aho kiba igikorwa ca misi yose, hamwe umusirikare wese ategera ko ari ngombwa kwiga, kwiyibutsa no kwimenyereza ivy'umwuga wa gisirikare.