අමුනුස්සයෝ නොව මනුස්සයෝ සිටි මේ බුදුන්ගේ දීපයයි

අප රටේ දහම් පාසල්වල, පාසැල් වල මෙන්ම පිරිවෙන් වලද දරුවන්ට උගන්වන්නේ වැරදි ඉතිහාසයකි. වැරදි ආගමකි, වැරදි භාෂාවකි. බුද්ධ ආගම, බෞද්ධ දර්ශණය, බෞද්ධ සංස්කෘතිය යනුවෙන් අද අපේ පාසැල්වල හා විද්‍යායතනවල උගන්වන දේවල් තුල නැති එකම දෙයත් බුදු දහම පමණි. බටහිර රටවල් වලින් මෙන්ම ඉන්දියාවෙන්ද ණයට ගත් බොහෝ වැරදි දේ අද අපේ පාසැල් වල අපේ දරුවන්ට උගන්වති. පිටරටින් ගත්තත් වැරදි දේ වැරදිමය. හරි දේ නම් හරිය. හරි වැරදි සොයා බලන්නට හේතුඵල දහමම භාවිත කළ යුතුය. අපේ සමාජය පිරිසිඳු වන්නේත්, පුරවැසියන් අවංක වන්නේත්, සිල් රකින පිරිසක් බවට පත්වන්නේත්, නියම නිවැරදි හේතුඵල දහම තේරුම් ගැනීමෙන්ම පමණි. බුදු දහමේ හරය එයයි. සූත‍්‍රයට , ධර්මයට බහා ගලපා බලා, විනයට සසඳා බලා ක‍්‍රියා කිරීම යන්නෙහි නියම අර්ථය මාර්ග චරියාවෙහි හැසිරීමයි. වැරදි ආගමක් හා වැරදි ඉතිහාසයක් අපේ දරුවන්ට ඉගැන්වීම වහාම නවතා දමා නිවැරදි ඉතිහාසයත් නිවැරදි බුදු දහමත් උගන්වා හොඳ පුරවැසියන් බවට පත් කිරීම කාගේත් යුතුකම හා වගකීමක් වන්නේය ......අපේ පාසල් වල දරුවන්ට පහළ පන්ති වලදීම බුද්ධාගම හා බුද්ධ ධර්මය අතර වෙනසක් ඇති බව පැහැදිලිවම පෙන්වා දීමට දැන්වත් කටයුතු කලයුතුය. මේ බව වගකිව යුතු උගතුන් විසින් තේරුම්ගෙන පාලකයින්වද දැනුවත් කර කටයුතු කිරීම නැවත බුදු දහම නගා සිටුවන්නට කළ හැකි හා කළ යුතු වඩාත් වැදගත්ම කාර්යයි. උතුම් බුදු දහම අදහන ආගමක් බවට පත් කලේත්, මාර්ග චරියාව බෞද්ධ දර්ශණයක් බවට වෙනස් කලේත් පරදේශීන් විසින්මය. අපේ හෙළයින් විසින් පරදේශකයින් කළ මේ වෙනස්කම් සතුටින්ම පිළිගෙන බුදු දහම සහ මාර්ග චරියාව භාවිතයෙන් ඉවත් කරන්නටත් ක‍්‍රියා කළහ. භාරත දේශයේදී මහායානික බෞද්ධ උගතුන් විසින් සංස්කෘත බසින් ලියා පල කරන ලද පොත්පත් කියවන ගමන්ම අපේ හෙල බිමේදී ලියූ ත‍්‍රිපිටක ග‍්‍රන්ථයන්ද පරිශීලනය කරමින් පිරිසිඳු බුදු දහම, මාර්ග චරියාවෙන් වෙනස් කර භක්තියෙන් අදහන ආගමක් බවට පත් කර ගත් ආකාරයත් හොඳින්ම තේරුම් ගත යුතුයි. භාරත දේශයේදී ලියූ සියළුම පොත්පත් වලට උපනිෂද් දර්ශණයත් ජෛන ආගමත්, වේද හා පුරාණ ග‍්‍රන්ථයනුත් අතිමහත් බලපෑමක් කර ඇති බවත් තේරුම් ගත යුතුයි. මෙවැනි දේව ආගම් වල බලපෑම නිසා පිරිසිඳු බුදු දහම යටපත් වී තවත් එක ආගමක් බවට පත්වීමේ ඉතිහාසය අප පැහැදිලිව ලියා එළි දක්වා මතු පරපුර දැනුවත් කළ යුතුමය.............. 🙏 ෴පරම සත්‍යය පෙන්වා දුන් මහා ප්‍රාඥ අති පූජනීය බුද්ධ පුත්‍ර මීවනපලානේ සිරි ධම්මාලංකාර සිව්පිළිසිඹියාපත් මහඅරහතුන් වහන්සේ෴