ROGANA 2026.Në 81vjetorin e lindjes ,Beqir Musliut,me buqetë lulesh,iu urua ditëlindja 11.06.2026

SHKRIMTARËT SI BEQIR MUSLIU KANË VETËM DITËLINDJE Në 81 vjetorin e lindjes së njërit nga shkrimtarët më të shquar të letërsisë bashkëkohore shqipe, Beqir Musliut, gjatë ditës së sotshme (11 qershor 2026) simbolikisht me nga një buqetë lulesh , iu urua ditëlindja e radhës, sepse, siç u tha nga të pranishmit, shkrimtarët si Beqir Musliu, kanë vetëm ditëlindje. E para ishte bashkëudhëtarja e tij e jetës, Ismete Musliu, e cila bashkë me djalin e saj, Dritonin, i vendosën lule te Varri i tij, aty në hyrje të Varrezave të Qytetit të Gjilanit, ( ana e epërme). Më pas, edhe miqtë e tij, Ramadan Mehmetin e Gani Kryeziu si dhe drejtuesit e Ars Clubit “Beqir Musliu” , Sabit Rrustemi, Nexhat Rexha e Arsim Halili. Shkkrimtari Ramadan Mehmeti, njeriu që i qëndroi afër deri në frymëmarrjen e fundit të jetës së Tij, tha shkurt: “Beqir Musliu, me veprën që la, vazhdon ta jetojë jetën e pavdekshme, atë të përgjithmonshmen”. Ndërsa, drejtuesi i Ars Clubit “Beqir Musliu”, shkrimtari Sabit Rrustemi , shtoi se, sot, në ditëlindjen e tij të 81-të, përveç me lule, këtë Ditë e shënojmë edhe me dy vepra të reja; me numrin 51 të revistës letrare AGMIA, numër përkushtues për këtë emër të shquar të letërsisë sonë, të cilën Beqir Musliu e kishte pagëzuar për të gjallë të tij si dhe me veprën studimore të Shefqet Dibranit, “Artistikja në veprën ORFEIANA të Beqir Musliut”. Sië është njoftuar tashmë opinion, revista letrare AGMIA, si numër përkushtues për Beqir Musliun, do të paraqitet këtë të shtunë nga ora 12;00 në Bibliotekën e qytetitt të Gjilanit. E, një javë më pas, do të bëhet edhe përurimi i veprës më të re studimore të Shefqet Dibranit, po në Gjilan.