CHAKULA BIASHARA || Wakulima na wafugaji waaswa kutumia wataalamu, mbinu za kisasa

Ili kuongeza ubora wa mazao yatokanayo na ufugaji na kilimo, mkuu wa wilaya ya Ubungo, Kheri James ameshauri wakulima na wafugaji kuwatumia wataalamu na mbinu bora za kisasa katika shughuli zao na kuachana na mifumo ya duni ya ufugaji ambayo mara nyingi haina tija katika uzalishaji. Kheri ameshauri hayo katika semina ya wafugaji na wakulima zaidi ya 400 iliyoandaliwa na taasisi ya Farmers Center lengo likiwa ni kuwaongezea ujuzi wa kufanya ufugaji wenye mafanikio katika nyanja ya biashara.