شاشن ری | شاہکار اردو افسانہ | کیا دنیا کی تمام جنگوں کا یہی حل ہے؟ | محمود فاروقی

"شاشن ری" اردو افسانے کے ان نادر اور منفرد شاہکاروں میں شمار کیا جا سکتا ہے جن کا پلاٹ دیر تک ذہن کو اپنی گرفت میں رکھتا ہے_ جنگ، امن، انسانیت اورعالمی سیاست جیسے وسیع موضوعات کو ایک بظاہر پاگل مگر درحقیقت غیر معمولی بصیرت رکھنے والے کردار کے ذریعے پیش کرنا ایسی تخلیقی جست ہے جس تک شاید ذہنِ رسا محمود فاروقی ہی رسائی حاصل کر سکتا تھا_ آج بھی جب دنیا کے مختلف خطوں میں جنگ کی آگ کبھی مشرق وسطیٰ میں کبھی مشرقی یورپ میں اور کبھی جنوبی ایشیا کے افق پر اس کے سائے منڈلاتے دکھائی دیتے ہیں تو اچانک شاشن ری کا وہ تخیلاتی "فارمولا" بے اختیار یاد آجاتا ہے کہ اگر جنگیں کسی ویران خطۂ زمین تک محدود ہوجائیں تو شاید انسانی بستیاں تباہی سے محفوظ رہ سکیں_ یہ کوئی سیاسی منصوبہ نہیں، بلکہ ایک زخمی روح کی دردناک فریاد اورعالمی سیاست پر نہایت گہرا طنز ہے_ افسانہ ختم ہو جاتا ہے، مگر شاشن ری کا سوال، اس کا جنون اور اس کی صدائے امن نصف صدی سے زائد عرصہ گزرنے کے باوجود آج بھی قاری کے ذہن میں اسی شدت سے گونجتی رہتی ہے_ #شاشن_ری #محمود_فاروقی #اردو_افسانہ #UrduAfsana #UrduLiterature #اردو_ادب #عالمی_امن #جنگ_اور_امن #Peace #War #اقوام_متحدہ #MahmoodFarooqi #MashhoodFarooqi #تبشیر #اردو_دنیا