Franklin Ruzvelt yodgorligi oldida - FDR Memorial in Washington DC

Franklin Delano Ruzvelt, Amerikaning 32-prezidenti, bu davlatni 1933-45 yillar orasida boshqargan. AQSh tarixida Oq Uyga to'rt marotaba saylangan yagona prezident. Uning hukmronlik davri shubhasiz juda og'ir damlarga to'g'ri kelgan. Ikkinchi Jahon Urushi alanga olayotgan, insoniyat natsizm va fashizm singari qora kuchlar bilan yuzlashayotgan, sayyoraning qay burchagiga qaramang, qahatchilik keng tarqalgan zamonlar. Amerikaliklar nazarida Ruzvelt mashaqqatli vaqtlarda o'z xalqi ishonchini oqlay olgan, yangi iqtisodiy dasturlar tanishtirib, odamlarni ochlik domidan olib chiqqan, eng murakkab vaziyatlarda ham to'g'ri qaror qabul qila olgan lider bo'lgan. Vashington va Virjiniya shtati chegarasida, Potomak daryosi bo'yida ajib bir yodgorlik bor. Franklin Ruzveltga bag'ishlangan. Nasiba Tohir sizni u yerga sayrga chorlaydi.