Remembering John Abraham by his close associate K N Shaji

ഒരേയൊരു ജോണ്‍ ഏബ്രഹാം; ആഗസ്റ്റ് 11 ജോണിന്റെ ജന്മ വാർഷിക ദിനം... ​"​ഇന്നു ദുഃഖദീര്‍ഘങ്ങള്‍ വിഹ്വല സമുദ്രസഞ്ചാരങ്ങള്‍ തീര്‍ന്നുഞാനൊരുവനെത്തേടി വന്നു. വേദങ്ങളിലവനു ജോണെന്നു പേര്‍ മേല്‍വിലാസവും നിഴലുമില്ലാത്തവന്‍ വിശക്കാത്തവന്‍​ " ജോണിനെ മരണം കൊണ്ടു പോയപ്പോള്‍ "എവിടെ ജോണ്‍"എന്ന് കവിതയെഴുതി അന്വേഷിച്ചു മലയാളം. വിരലിലെണ്ണാവുന്ന ചിത്രങ്ങള്‍ മാത്രമേ ജോൺ സംവിധാനം ചെയ്തിട്ടുള്ളൂ. എങ്കിലും ഇന്ത്യയിലെ എക്കാലത്തേയും മികച്ച ചലച്ചിത്രകാരന്മാരില്‍ ഒരാളായി ജോൺ . ബ്രിട്ടീഷ് ഫിലിം ഇന്‍സ്റ്റിറ്റ്യൂട്ടിന്റെ മികച്ച 10 ഇന്ത്യന്‍ സിനിമകളുടെ പട്ടികയില്‍ ഇടം നേടിയ ഏക ദക്ഷിണേന്ത്യന്‍ ചിത്രം ഇദ്ദേഹത്തിന്റേതാണ്. ഐബിഎന്‍ ലൈവ് 2013 ല്‍ നടത്തിയ വോട്ടെടുപ്പില്‍ മികച്ച 100 ഇന്ത്യന്‍ സിനിമകളില്‍ അദ്ദേഹത്തിന്റെ രണ്ടു ചിത്രങ്ങള്‍ ഉള്‍പ്പെട്ടു. എന്റെ സഹജീവികളോട് സംവദിക്കാന്‍ ഞാന്‍ തിരഞ്ഞെടുത്ത മാധ്യമമാണ് സിനിമ . ഉറങ്ങാന്‍ എനിക്കൊരു മേല്‍ക്കൂര പോലും വേണ്ട .​ ​പട്ടിണികിടക്കാനും എനിക്കറിയാം. എനിക്ക് ഞാനാഗ്രഹിക്കുന്ന സിനിമകളുണ്ടാക്കിയാല്‍ മതി' ഇതായിരുന്നു ജോണ്‍ എബ്രഹാം എന്ന ചലച്ചിത്രകാരന്റെ ജീവിതസംക്ഷിപ്തം ഈ പ്രതിഭയുടെ സ്മരണയ്ക്ക് മുൻപിൽ ആദരാഞ്ജലികൾ ​...