Othman Masoud atema cheche kero za Muungano, aweka wazi msimamo wa ACT

Mjumbe wa Kamati Kuu ya Chama cha ACT Wazalendo, ambaye pia ni Makamu wa Kwanza wa Rais wa Zanzibar, Mheshimiwa Othman Masoud Othman, ameuchambua muundo wa muungano uliopo na kueleza kinagaubaga msimamo wa chama chake katika jambo hilo. Akizungumza na wanachama pamoja na viongozi wa majimbo wa ACT Wazalendo huko Shangani Mkokotoni, Kaskazini Unguja, katika ufunguzi wa ziara za kujitambulisha na kuzungumza na wanachama wa chama wa mkoa wa Kaskazini A (kichama), Mheshimiwa Othman alisema “ili kuifikisha Zanzibar sehemu inayostahiki, wanachama wana wajibu wa kuendeleza mshikamano katika kusimamia dhamira hiyo.”