AJALI YA BASI LA MATHIAS YAUA MTOTO MKOANI TABORA

Mtoto anayekadiriwa kuwa na umri wa miaka mitano, Mohamed Sajidu, amefariki dunia papo hapo, huku watu wengine watatu na abiria zaidi ya 40 wakinusurika, baada ya basi la abiria mali ya kampuni ya Mathias lenye namba za usajili T.748 DCU kupata ajali baada ya kuacha njia na kugonga nyumba katika eneo la Kata ya Kidongo Chekundu, Wilaya na Mkoa wa Tabora. Taarifa zinaeleza kuwa basi hilo lilikuwa limeanza safari kutoka mkoani Tabora kuelekea Katavi kabla ya ajali hiyo kutokea. Mashuhuda pamoja na baadhi ya abiria wamedai kuwa dereva alishindwa kukata kona kwa usahihi kutokana na mwendo kasi hali iliyosababisha gari hilo kupoteza mwelekeo na kusababisha ajali hiyo Kwa mujibu wa taarifa, mwili wa marehemu unatarajiwa kuzikwa leo majira ya saa kumi jioni. Jitihada ya kulitafuta Jeshi la Polisi zinaendelea kwa ajili ya kupata taarifa za kina na hatua wanazoendelea nazo. Usisahau kutufuatilia katika mitandao yetu ; Subscribe to our Youtube Channel : http://bit.ly/itvtanzania Facebook : https://bit.ly/2KeQNl3 Twitter : https://bit.ly/2XG7aii Instagram : https://bit.ly/34KItmg