Memaliaj, banorët vënë në rrezik jetën, kalojnë lumin me kavo metalike-(24 Shkurt 2010)

Lajme Arkiva 2010 Kjo është mënyra që fëmijët e fshatit Kallm në Memaliaj kanë gjetur për të mbërritur në shkollën e tyre që ndodhet në anën tjetër të lumit Vjosë. Një itinerar që ata e kryejnë çdo mëngjes për të mos humbur orët e mësimit. Lundra që u mundësonte banorëve kalimin e lumit prej disa kohësh është jashtë funksionimit dhe për këtë arsye, mënyra e vetme është kacavjerrja në kavon metalike që lidh dy këmbët e ish-urës ekzistuese. Fëmijët detyrohen të varen dhe më pas të rrëshqasin në një distancë prej më shumë se 100 metrash mbi ujërat e rrëmbyeshëm të lumit Vjosë. Dikush i pret në anën tjetër të bregut për t’i ndihmuar në zbritje. Edhe pse një aventurë e rrezikshme, jeta e këtyre fëmijëve varet në një fije metalike, një realitet që ngjan i zakonshëm për banorët e kësaj zone. Autoritet lokale thonë jashtë kameras se plani për ndërtimin e një pasarele druri ka dështuar disa herë, një përgjigje që as kjo nuk çudit për aq kohë sa jeta duket se nuk merret seriozisht./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/