Karunashtake with lyrics | करुणाष्टके | Das Navami Special | | Apurva Nand Kulkarni

दासनवमी विशेष: समर्थ रामदास स्वामी रचित करुणाष्टके 🙏✨ अनुदिन अनुतापें तापलों रामराया । परमदिनदयाळा नीरसी मोहमाया ॥ अचपळ मन माझें नावरे आवरीता । तुजविण शिण होतो धांव रे धांव आता ॥ १ ॥ भजनरहित रामा सर्वही जन्म गेला । स्वजनजनधनाचा व्यर्थ म्यां स्वार्थ केला ॥ रघुपति मति माझी आपुलीशी करावी । सकळ त्यजुनि भावें कांस तूझी धरावी ॥ २ ॥ विषयजनित सूखें सौख्य होणार नाहीं । तुजविण रघुनाथा वोखटें सर्व कांहीं ॥ रघुकुळटिळका रे हीत माझें करावें । दुरित दुरि हरावें सस्वरूपीं भरावें ॥ ३ ॥ तनु-मन-धन माझें राघवा रूप तुझें । तुजविण मज वाटे सर्व संसार वोझें ॥ प्रचलित न करावी सर्वथा बुद्धि माझी । अचल भजनलीला लागली आस तूझी ॥ ४ ॥ चपळपण मनाचें मोडितां मोडवेना । सकळ स्वजनमाया तोडितां तोडवेना ॥ घडि घडि विघडे हा निश्चयो अंतरीचा । म्हणवुनि करूणा हे बोलतो दीनवाचा ॥ ५ ॥ जळत हृदय माझें जन्म कोट्यानुकोटी । मजवरि करुणेचा राघवा पूर लोटीं ॥ तळमळ निववीं रे राम कारुण्यसिंधू । षड्‌रिपुकुळ माझें तोडि याचा समंधू ॥ ६ ॥ तुजविण करुणा हे कोण जाणेल माझी । शिणत शिणत पोटीं लागली आस तुझी ॥ झडकरि झड घालीं धांव पंचानना रे । तुजविण मज नेती जंबुकी वासना रे ॥ ७ ॥ सबळ जनक माझा राम लावण्यकोटी । म्हणवुनि मज पोटीं लागली आस मोठी ॥ दिवस गणित बोटीं ठेवूनि प्राण कंठीं । अवचट मज भेटी होत घालीन मीठी ॥ ८ ॥ जननिजनकमाया लेंकरूं काय जाणे । पय न लगत मूखीं हाणिता वत्स नेणे ॥ जळधरकण आशा लागली चातकासी । हिमकर अवलोकी पक्षिया भूमिवासी ॥ ९ ॥ तुजविण मज तैंसे जाहलें देवराया । विलग विषमकाळीं तूटली सर्व माया ॥ सकळजनसखा तूं स्वामि आणीक नाहीं । वमकवमन जैसें त्यागिलें सर्व कांहीं ॥ १० ॥ स्वजनजनधनाचा कोण संतोष आहे । रघुपतिविण आतां चित्त कोठें न राहे ॥ जिवलग जिव घेती प्रेत सांडूनि जाती । विषय सकळ नेती मागुता जन्म देती ॥ ११ ॥ सकळ जन भवाचे आथिले वैभवाचे । जिवलग मग कैंचे चालतें हेंचि साचें ॥ विलग विषमकाळीं सांडिती सर्व माळीं । रघुविर सुखदाता सोडवी अंतकाळीं ॥ १२ ॥ सुख सुख म्हणतां हें दु:ख ठाकूनि आलें । भजन सकळ गेलें चित्त दुश्र्चीत जाले ॥ भ्रमित मन कळेना हीत तें आकळेना । परम कठिण देहीं देहबुद्धि वळेना ॥ १३ ॥ उपरति मज रामीं जाहली पूर्णकामीं । सकळभ्रमविरामीं राम विश्रामधामीं ॥ घडि घडि मन आतां रामरूपीं भरावें । रघुकुळटिळका रे आपुलेंसें करावें ॥ १४ ॥ जळचर जळवासी नेणती त्या जळासी । निशिदिन तुजपासीं चूकलों गूणरासी ॥ भुमिधर निगमांसी वर्णवेना जयासी । सकळभुवनवासी भेट दे रामदासीं ॥ १५ ॥ दासनवमीच्या मंगल पर्वावर, महाराष्ट्राचे महान संत समर्थ रामदास स्वामी यांना ही माझी स्वरांजली. समर्थांनी रचलेली 'करुणाष्टके' म्हणजे भक्ताने राघवाच्या चरणी केलेली एक आर्त हाक आणि करुणेचा ओलावा आहे. या रचनांमधील भक्ती रस आणि भावपूर्ण शब्द मनाला शांतता आणि सकारात्मकता देतात. या दासनवमीला ही करुणाष्टके ऐकून आपला दिवस मंगलमय व्हावा, हीच सदिच्छा! ✨ गायिका: अपूर्वा नंद कुलकर्णी ✨ रचना: समर्थ रामदास स्वामी ✨ विषय: दासनवमी विशेष सादरीकरण Das Navami Special: A Tribute to Samarth Ramdas Swami 🚩 On the auspicious occasion of Das Navami, I am honored to present a soulful rendition of 'Karunashtake.' Composed by the legendary saint Samarth Ramdas Swami, these fifteen verses are a profound plea for divine grace and inner peace. As a classical singer, I believe these verses are not just prayers but a meditative journey. I hope this rendition brings you as much serenity as I felt while performing it. Credits & Details: ✨ Artist: Apurva Nand Kulkarni ✨ Composition: Samarth Ramdas Swami ✨ Genre: Marathi Devotional / Indian Classical If you enjoyed this video, please: 🔔 Subscribe for more classical and devotional content. 👍 Like and Share this video with your family and friends. 💬 Comment "जय जय रघुवीर समर्थ" below #DasNavami , #Dasnavami2026 , #Karunashtake , #ApurvaNandKulkarni , #SamarthRamdasSwami , #MarathiDevotional , #RamBhakti , #IndianClassicalMusic , #BhaktiSangeet , #MaharashtraCulture , #JayJayRaghuveerSamarth , #करुणाष्टके , #दासनवमी