《萬眾同心公益金》圓滿結束 歌手藝人唱跳金曲向巨星致敬

慈善籌款節目《萬眾同心公益金》28號晚喺電視城圓滿舉行，歌手藝人都善心滿瀉傾力演出，務求籌到更多嘅善款幫到有需要嘅人。唔少歌手都選擇翻唱天皇巨星嘅經典金曲，好似 黎諾懿 Lokyi Lai 就獻唱 #陳百強 嘅《漣漪》同《偏偏喜歡你》。緊接諾懿出場嘅 謝東閔，喺後台都覺得諾懿唱得好神似呀，諾懿聽到之後哈哈大笑，佢話初出道時比較怕醜就有少少陳百強嘅風度翩翩。 講到致敬，分別模仿 #劉德華 #張學友 嘅 #陳山聰 袁偉豪 Benjamin Yuen 就非常神似，大會仲播番華仔同學友昔日為慈善騷演出嘅片段，嚟嗰隔空合唱，山聰話華仔唱歌嘅唱腔經已入晒佢腦，因為讀書時經已成日聽，而阿Ben就好榮幸可以翻跳唱學友多年前曾經喺慈善騷演出嘅歌曲。另外 JW 王灝兒 同 #區瑞強 合唱演出，完全係聽覺上享受，兩人首度合唱，經已好有默契。 為節目獻聲嘅仲有 Vincy Chan 泳兒 同 #陳潔靈，佢哋一齊翻唱 #梅艷芳 經典作品。身為Miss Chan Chan 學生嘅泳兒，原來係首度師徒合作，Miss Chan Chan仲話同樣係首次跟梅姐隔空對唱，泳兒話今次合唱，都喺Miss Chan Chan身上學到唔少嘢。 至於袁偉豪聯乘 #SuperTiger 限定演出，勁歌熱舞向歌神張學友致敬，阿Ben話已經同一班後生仔打成一片，唔知仲有冇機會一齊合作演出，但之後一定會喺背後作無限量支持Super Tiger嘅演出。 吳若希 Jinny Ng Shiga Lin 連詩雅 不約而同揀著露腰衫演出，踏入三字頭嘅Jinny，呢晚似乎對性感定義有新睇法，另外推出處男作無耐嘅 #何晉樂，首次喺舞台上獻唱新歌《無證騎士》，佢都有分享既興奮又緊張嘅心情呀! #萬眾同心公益金 #慈善籌款節目 即刻Follow TVB娛樂新聞台Facebook專頁   / tvbenews   登入myTV SUPER享受睇TVB自製節目7日免費點播 https://bit.ly/2TXLlM0