Aholi salomatligi yo‘lida nazorat tadbirlari davom etmoqda

Aholi salomatligi yo‘lida nazorat tadbirlari davom etmoqda Sanitariya-epidemiologik osoyishtalik va jamoat salomatligi qo‘mitasining Yangihayot tumani bo‘limi tomonidan hududda doimiy nazorat tadbirlari olib borilmoqda. Ushbu jarayonda soha mutaxassislari tomonidan savdoga chiqarilgan ayrim mahsulotlarda ishlab chiqarilgan sanasi ko‘rsatilmagani, iste’molga yaroqlilik muddati haqida ma’lumot mavjud emasligi, shuningdek, mahsulotlarni saqlash va tashish qoidalariga amal qilinmagani aniqlanmoqda. Aniqlangan bunday mahsulotlar esa savdodan olib tashlanib, mas’ul shaxslarga nisbatan qonuniy choralar ko‘rilmoqda. Mazkur tadbirlar aholi o‘rtasida ovqatdan zaharlanish holatlarining oldini olish hamda sanitariya talablariga rioya etilishini ta’minlash maqsadida amalga oshirilmoqda.