Protesta e banorëve në Rrapëz, nuk na gjejnë zgjidhje, po vdesin njerëz në aksidente.

Banorët e lagjes " Kosturli" në Rrapëz janë të izoluar për shkak të autostradës. Aksi rrugor nacional Lushnje Fier, ku janë vendosur barrierat e hekurta anësore nuk i lejon të dalin normalisht nga banesat e tyre për të shkuar në qëndër apo dhe për aktivitetin e tyre të përditshëm ekonomiko social. Duke marrë shkas nga aksidenti me vdekje i tre ditëve më parë banorët kërkojnë të gjehet një zgjidhje nga ana e shtetit sepse ata nuk dërgojnë dot fëmijët në shkollë e të dalin vetë,pasi janë të detyruar të kalojnë në autostradë, ku sipas banorëve kanë gjetur vdekjen 4 banorë të fshatit ndër vite. Janë më pak se 1 kilometër rrugë dytësore që i veçon nga jeta normale këta banorë në Rrapëz ku edhe pse ju është premtuar asgjë nuk ndodh. Banorët do të përshkallëzojnë protestat deri në bllokimin e rrugës ndërsa ditën e hënë në shenjë proteste për situatën nuk do t'i çojnë fëmijët në shkollë.