برونو ميتسو .... الفرنسي الذي أحبته السنغال ❤️

في الحلقة دي من حكاوي تاريخ وكورافيا، بنحكي قصة برونو ميتسو… المدرب الفرنسي اللي اترفض في بلده، ولقى نفسه وحلمه وانتماءه في السنغال. بنرجع لبداية ميتسو في مدينة دونكريك، المدينة اللي خرجت من رماد الحرب، ونشوف إزاي ظروفه الصعبة وطفولته وسط ناس بسيطة بتكافح علشان تعيش، صنعت شخصيته كمدرب مختلف… مدرب بيؤمن بالروح، بالعيلة، وبإن الكورة مش مجرد خطط وتكتيك. بنتكلم عن مشواره الصعب في فرنسا، من بوفيه وليل وفالنسيان وسيدان، وإزاي أوروبا ماكانتش مستعدة تتقبل مدرب بشخصيته وطريقته، قبل ما يلاقي فرصته الحقيقية في إفريقيا. ومن هنا تبدأ رحلة السنغال. منتخب ماكانش صعد كأس العالم قبل كده، وماكانش كسب كأس الأمم، ولا كان عايش عصر ذهبي. ميتسو وصل وبدأ يبني علاقة مختلفة مع اللاعيبة، رجّع أسماء كانت بعيدة عن المنتخب زي الحاج ضيوف، هنري كامارا وأليو سيسيه، وخلق بينهم إحساس العيلة والمسؤولية. بنحكي رحلة تصفيات كأس العالم 2002 قدام مصر، المغرب، الجزائر وناميبيا، وصعود السنغال لأول مرة في تاريخها للمونديال، ثم كأس أمم إفريقيا 2002، من الفوز على مصر، للمباراة الدرامية ضد نيجيريا، ثم خسارة النهائي أمام الكاميرون بركلات الترجيح. وبعدها نروح لكأس العالم 2002 في كوريا واليابان، حيث بدأت السنغال مشوارها بمفاجأة تاريخية أمام فرنسا بطلة العالم، بهدف بابا بوبا ديوب، في مباراة كانت أكبر من مجرد 3 نقاط بالنسبة لبرونو ميتسو. الحلقة كمان بتتتبع مشوار السنغال أمام الدنمارك، أوروجواي، السويد، ثم تركيا في ربع النهائي، وإزاي الجيل ده كتب واحدة من أجمل حكايات الكرة الإفريقية في تاريخ كأس العالم. دي مش بس قصة مدرب ومنتخب. دي قصة إنسان اتولد في مكان، واترفض فيه، لكنه لقى نفسه في مكان تاني… لحد ما قرر يبقى واحد منهم، يعيش بينهم، يحبهم، يعتنق دينهم، ويتدفن في أرضهم. برونو ميتسو… أو عبد الكريم ميتسو. عندما أموت، ادفنوني في السنغال. #شادي_حبشي #تاريخ_وكورافيا #برونو_ميتسو #السنغال #كأس_العالم_2002 #كأس_أمم_أفريقيا #كأس_العالم #كرة_القدم_الإفريقية #ElHadjiDiouf #AliouCisse #BrunoMetsu #Senegal #WorldCup2002 تايملاين الحلقة 00:00 نشأة برونو ميتسو الصعبة في دونكيرك بعد الحرب وبدايته في التدريب مع ليل وفالينسيان وفشله 9:35 تعيين برونو ميتسو مدرباً لغينيا ثم للسنغال وتصفيات كأس عالم 2002 مع السنغال في مجموعة حديدية مصر والمغرب والجزائر وكأس أمم أفريقيا 2002 والوصول للنهائي والخسارة بركلات الترجيح ضد الكاميرون 19:45 مشوار السنغال في كأس العالم 2002 وفوز السنغال التاريخي على فرنسا والتأهل لربع النهائي والخسارة بالهدف الذهبي من تركيا واستقبال تاريخي من الشعب السنغالي وارتباط قوي بين ميتسو والسنغال