Rrugët dytësore në autostradën Tiranë-Durrës bëhen burim aksidentesh-(12 Nëntor 2007)

Lajme Arkiva 2007 Rrugët dytësore në të dyja anët e autostradës Tiranë-Durrës u ndërtuan me qëllimin kryesor që të lehtësonin kushtet e lëvizjes, por në fakt të dy rrugët paralele janë kthyer në burim aksidentesh. Edhe pse u ndërtuan me vonesë jashtë çdo afati nga firmat Salillari dhe Euroteorema përgjatë 12 kilometrave në secilin krah të segmentit Tiranë-Vorë në këto dy akse ndodh gjithçka. Problemi i parë dhe më kryesori ka të bëjë me kryqëzimet midis tyre dhe vetë autostradës. Leverdia më e madhe për bizneset në të dyja anët është që autostrada të ketë hyrje apo dalje me rrugët paralele. Në këtë mënyrë qindra makina në ditë kthehen në mes të autostradës në degëzime ku mungon totalisht sinjalistika për sigurinë rrugore, lëvizje që jo pak herë janë bërë shkak për aksidente me pasojë vdekje. Për të parandaluar përplasjet e automjeteve mund të ishin marrë masa ku lidhjet me autostradën të rrugëve paralele të eliminoheshin me anë të një kanali apo blloqe betoni ose të reduktoheshin në një kthesë të vetme në qytetin e Vorës. Tjetër problem të vetë rrugëve paralele përbëjnë edhe policat e shtrira, qëllimi kryesor i të cilave është ulja e shpejtësisë së makinave, por në të vërtet në këto dy akse gungat prej betoni të detyrojnë të ulësh shpejtësinë, kryesisht kur ndodhesh pranë bizneseve për arsye përfitimi të këtyre të fundit. E pra ndryshe nga sa pritej ku rrugët paralele do të shërbenin për të zvogëluar numrin e aksidenteve që vinin si rrjedhojë e hyrje-daljeve në autostradë duket se në të vërtet ndërtimi i tyre po shkakton të kundërtën, aksidente dhe më tepër frikë për të lëvizur në autostradën Tiranë-Durrës./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/