తనువే మాయరా తపనే మానరా //, తెలుగు భజన పాటలు //, devotional songs

#లిరిక్స్ #descriptionలో #చూడండి తెలుగు భజన పాటలు devotional songs అందరూ నేర్చుకోవాలని నా కోరిక పాటలు ఎలా ఉంటున్నాయో కామెంట్ చేయండి నచ్చితే తప్పకుండా లైక్ చేయండి లిరిక్స్ ===== పగలే వెన్నెల స్టైల్ తనువే మాయరా తపనే మానరా నిజమును కానలేక నిదురపోకురా అజుని సృష్టి మట్టి బొమ్మ అమ్మ కడుపునా అవతరించె జీవునిగ మాయ జగమునా ఇదిగో జననము అదిగో మరణము అరరే మనజ జన్మమేమి చిత్రము తల్లి దండ్రి నీదు గురువు దైవసములురా ఎల్లకాలమందు నీవు శ్రమను నమ్మరా కల్లలు మానరా కపటము వీడరా యుల్లము నందు దైవ స్మరణ చేయరా నాది నాది యనుచు నీకు వాదనెందుకు ఏది రాదు నీ వెంటను బ్రమను చెందకు అది యిది నాదనే ఆశను విడరా నీదను బ్రతుకు కూడ నీటి బుడగరా బ్రతికినప్పుడు తల్లి దండ్రుల చీత్కరిస్తవు చితికి చేర్చి ఆ మట్టిని కాశీ చెర్తువు మెతుకు విదల్బవు పిండము లందువు నీతులు చెప్పి నీవు కోతివౌదువు పెంచుకున్న ఆస్తులేవి వెంటరావురా పంచుకున్న మమతలన్ని మాయలేనురా తెంచుకు పోయెరా భవుంధములేరా మంచిని పెంచినావ మనిషి వేనురా నడమంత్రపు సిరిని చూసి మురిసి పోకురా మిడి మిడి జ్ఞానంబుతోడ మిడిసి పడకురా గురి గుడి తిరిగినా పడి పడి మొక్కినా నడవడి సరిగలేక తీరు మారునా ఆలి సుతుల సంసారపు మోహ బంధము ఇది తైతక్కల తోలు బొమ్మ ఆట చందము గాలిలో దీపము జీవన యానము తెలివిగ మసలు కొనుటె మనుజ ధర్మము అధికారము ఉన్నపుడే ప్రమధ గణములు అది కాస్తా ఊడిపోతే కానరెవ్వరు పదవులా శాశ్వతం ప్రేమయె శాశ్వతం మద మాత్సర్యమీడి మనిషివగుమురా గెడ్డలను పెంచి రంగు గుడ్డ లేసినా దొడ్డ మనసు లేనివాడు ధన్యుడాయెనా? శుద్దులు ఎక్కువ బుద్దులు తక్కువా పద్దతి మారదేల సిద్ద గురువులా ఎదుటి వాడి ఎదుగు చూసి ఈర్ష్య పడకురా నీదు కృషిని నమ్ముకుంటె ఋషివి నీవేరా వాదన లేలరా సాధన చేయరా పదుగురి మేలుకోరి ఎదుగు సోదరా ధనము చేత మదము తోడ నడువబోకురా దానగుణము లేని ధనము హీనమౌనురా మానవ సేవయే మాధవ సేవరా దీనుల కాచి నోడె ధన్యుడౌనురా ధరను వెలయు అప్పాపుర గ్రామమందువ అరయగ అప్పన్న దాసు మానసంబునా చిరు చిరు మాటలే తేనెల ఊటలే మరి మరి పాడుకుంటె బ్రతుకు బాటలలే