અમેરિકન ડોલરના દબદબા સામે સવાલ, વધી રહી છે અન્ય કરન્સી અને ગોલ્ડની માંગ

ગ્લોબલ માર્કેટમાં અમેરિકન ડોલરના આધિપત્ય પર હવે જોખમ ઉભું થઈ રહ્યું હોય તેવું લાગી રહ્યું છે કારણકે દુનિયાભરની વધુને વધુ મધ્યસ્થ બેંકો ડોલરમાં પોતાનું હોલ્ડિંગ ઘટાડવા માટે પ્લાન કરી રહી છે કારણકે તેમને ડોલર કરતાં ગોલ્ડ વધારે સેફ લાગી રહ્યું છે. એક ગ્લોબલ સરવે અનુસાર આગામી દાયકામાં યુએસ કરન્સી સાથે સંકળાયેલા પોલિટિકલ રિસ્કમાં વધારો થવાની શક્યતા વચ્ચે હવે ડોલરમાં વેચવાલી જોવા મળે તેવી શક્યતા છે. જોકે, હાલ પણ ડોલરનું પ્રભુત્વ ચોક્કસ બરકરાર છે પરંતુ હવે યુરો, ચાઈનીઝ યુઆન, ઓસ્ટ્રેલિયન ડોલર, બ્રિટિશ પાઉન્ડ, જાપાનીઝ યેન અને સ્વીસ ફ્રાંકની ખરીદી વધી રહી છે.