Histori që frymëzon! Mësuesi shqiptar 'braktis' familjen, në shërbim të nxënësve në fshatin e largët

Ekipi i Euronews Albania ka udhëtuar për afro 2 orë në këmbë për të shkuar drejt fshatit Panarit për t'u njohur me historinë e një mësuesi të ri, me sakrificën e tij dhe pasionin e madh për mësimdhënien. Gjurmët e ujkut tregojnë se sa e vështirë dhe e rrezikshme është kjo zonë për të jetuar. Por as kjo frikë nuk e mposhti Goran Jakullën, i cili këtë 7 Mars feston për herë të parë ditën e mësuesit. Mes maleve, në të ftohtë dhe me borën prezente në pjesën më të madhe të vitit, sakrifica dhe dëshira e Goranit për mësimdhënien është më e madhe se vështirësia. "Unë kam 3 muaj që jam mësues në këtë fshat dhe është mundësia e parë që më është ofruar. Pa diskutim për shkak të largësisë se fshatit kam hezituar, por pasioni për këtë profesion së bashku me mirëkuptimin e të fejuarës time, bënë që të marr këtë vendim e të ushtroj profesionin e mësuesit në këtë fshat", tregon ai. Kushtet e këqija nuk e ndalën Goranin, edhe pse u detyrua shpesh herë të bënte kompromise me veten për hir të mësimdhënies. "Ne fakt periudha e dimrit është e vështirë në këtë fshat për shkak të bllokimit të rrugës nga dëbora, kalon 1800 m mbi niveli e detit, dhe kam qëndruar javë të tëra pa shkuar në familje gjatë periudhës së dimrit. Është goxha e vështirë, por kam arritur ta përballoj”, shprehet i riu. Në këtë 7 mars, Gorani nuk harron pa falënderuar ata që rritën profesionalisht. "Për mua është 7 Marsi i parë, gjej rastin të uroj gëzuar këtë ditë mësuesit dhe mësuesit e pedagogët që kanë kontribuar në aspektet profesionale të miat”, thotë ai. Shembullin e Goranit shumë pak mësues e ndjekin, por dëshira për t’u rritur profesionalisht duket se është më e madhe se vuajtja dhe peripecitë. Ndiqni faqen tonë zyrtare të internetit https://euronews.al/al për t’u informuar mbi lajmet kryesore nga vendi, rajoni dhe bota. Abonohuni në kanalin tonë në YouTube: https://bit.ly/3oEW3AU Na ndiqni në Instagram:   / euronews_al.  . Facebook:   / euronews.al   Twitter: https://twitter.com/EuronewsAlbania#E...#LajmiFundit#Euronewsalbania