యెహోవా మా ప్రభువా... భూమియందంతట నీ నామము

పల్లవి: యెహోవా మా ప్రభువా... భూమియందంతట నీ నామము ఎంత ప్రభావము గలదయ్యా... ఎంత ఆశ్చర్యమైనదయ్యా ఆకాశములలో నీ మహిమను కనుపరచువాడా – నిన్నే కీర్తించెదను ||యెహోవా|| చరణం 1: నీ చేతిపనియైన ఆకాశములను – నీవు కలుగజేసిన చంద్ర నక్షత్రములను నేను చూడగా... నేను ధ్యానించగా... మనుష్యుని జ్ఞాపకము చేసికొనుటకు వాడేపాటి వాడు? నరపుత్రుని దర్శించుటకు వాడేపాటి వాడు? అయినా మహిమా ప్రభావములతో వానికి కిరీటము ధరింపజేస్తివి ||యెహోవా|| చరణం 2: నీ చేతిపనులపై వానికి అధికారమిచ్చినావు – సమస్తమును వాని పాదములక్రింద ఉంచినావు గొర్రెలన్నిటిని, ఎడ్లనన్నిటిని, అడవి మృగములను ఆకాశ పక్షులను, సముద్ర మత్స్యములను ఏలనిచ్చినావు బాలుర యొక్కయు చంటిపిల్లల యొక్కయు స్తుతుల మూలమున విరోధుల నణచుటకు ఒక దుర్గమును స్థాపించినావు ||యెహోవా|| చరణం 3: యెహోవా నా దేవా, నేను నీ శరణుజొచ్చియున్నాను – తరుమువారి చేతిలోనుండి నన్ను తప్పించుము సింహమువలె శత్రువు నన్ను చీల్చివేయకుండా – నా కేడెమై నన్ను రక్షించుము హృదయములను అంతరింద్రియములను పరిశీలించు నీతిగల దేవా న్యాయము విధించువాడవని నీకే కృతజ్ఞతాస్తుతులు చెల్లించెదను ||యెహోవా||