कारणे नाहीत मोठी यार हो माझ्या पिण्याची ...| गज़ल आणि शराब | Gazal Nawaz Bhimrao Panchale

गज़ल आणि शराब ... रसिक मित्रांनो ... शराब , बादा , मदिरा , वारुणी इत्यादी अनेक नावांनी ओळखल्या जाणाऱ्या दारूचे मनभरून गोडवे गाणारे जसे खूप आहेत तसेच पोटभरून नालस्ती करणारेही भरपूर आहेत . उर्दू गज़ल मध्ये तर भरमार आहे या विषयाची . प्रत्येक शायराने आपापल्या परीने परिभाषित केले आहे दारूला . काही शेर साधारण तर काही इतके पराकोटीचे , त्यातली मदिराभक्ती इतकी टोकाची की मला तिव्रतेने वाटायचे , हे अंगुराचा अर्क आणि त्याने येणाऱ्या नशेच्या खूप पलिकडचे आहे . हा एक शेर वाचल्यावर तर खात्रीच पटली माझी. शायर म्हणतो की , एखाद्या विशाल निद्रिस्त पापणीसारखा लांबच लांब पसरलेला जीवनाचा रस्ता - धुळीनं माखलेला . शीण आलाय चालून चालून . इतक्यात नजरेस पडते आबे-कौसर - स्वर्गातून अमृतजळाने भरून वाहणारी पवित्र नदी .. आणि थोडं पुढं गेलं की लागणार आहे मैकदा. चालत राहणं हेच खरं जीवन असेल आणि अमर होऊन स्वर्गात वगैरे जाण्याचा इरादा नसेल तर मग अमृताचे हे पाणी हात-पाय-तोंड धुवून फ्रेश होण्यासाठीच ठीक आहे , पुढच्या प्रवासासाठी लागणारी ऊर्जा मैखान्यातुनच मिळणार आहे... जिंदगी की दराज पलकों पर रास्ते का गुबार छाया है आबे-कौसर से मूह को धो ले , मैकदा करीब आया है.. अहाहा , क्या कहने ... ! आपल्या मराठी गज़लमध्ये या विषयाची उणीव भरून काढली आहे जेष्ठ गज़लकार डी. एन. गांगण यांनी . खूप दर्जेदार अशी रचना दिली त्यांनी मराठी गज़ल विश्वाला ... काय असते ही नशा सांगूनही कळणार नाही घेतल्यावर उरत नाही गरज काही सांगण्याची जिंदगी आहे सजा अन गरज आहे झिंगण्याची कारणे नाहीत मोठी यार हो माझ्या पिण्याची पेशे-खिदमत आहे मित्रांनो ही शानदार गज़ल. मागे कोरोना काळात साज-संगीताशिवाय ही रचना तुम्हाला ऐकवली होती . ' नेक्सस ' ने मुंबईत आयोजित केलेल्या एका मैफिलीचे ध्वनिचित्रण मिळाले आणि ही गज़ल साग्रसंगीत ऐकवणे आज शक्य झाले... शुक्रिया नेक्सस ! शुक्रिया 9x झक्कास !! आपला , गज़लनवाज़ भीमराव पांचाळे Gazal Nawaz #BhimraoPanchale For More Updates Follow Me At - ______________________________________________________________ ★ Facebook https://bit.ly/BhimraoPanchaleFB​​​ ★ Twitter https://bit.ly/BhimraoPanchaleTweet​​​ ★ Instagram https://bit.ly/BhimraoPanchaleInsta​​ Subscribe To My YouTube Channel -- @Gazal Nawaz Bhimrao Panchale