“UFO University”, 600 studentë festojnë marrjen e diplomës-(28 Korrik 2009)

Lajme Arkiva 2009 Mes emocionesh, duartrokitjesh e përqafimesh, 600 studentët e Universitetit UFO kanë festuar marrjen e diplomës. Në këtë mënyrë këta intelektualë të rinj, kanë kurorëzuar njohuritë e marra, në një prej Universiteteve tashmë të konsoliduara në vendin tonë. Pavli Kongo: “Të nderuar koleg, ju kaluat në auditorët tona 4 vite të rinis tuaj me pluset dhe minuset e pa shmangshme. Por ato janë tashmë pjesë e historikut të shkollës sonë. Keni lënë gjurmë edhe tek ne. Unë dhe kolegët e mi jemi krenar që kemi qenë pjesë e jetës tuaj universitare dhe kemi kontribuar në maturimin tuaj intelektual dhe profesional edhe në të ardhmen ne do të jemi pranë jush, dyert e UFO University do t’i gjeni gjithmonë të hapura sepse mbështetja dhe stimulimi i kuadërve të rinj ka qenë dhe mbetet një përparësi e pa diskutueshme e strategjisë afatgjatë e “UFO University”. Duke e parë diplomën e këtij universiteti si një mundësi të mirë për të gjetur veten në tregun e punës, studentë dhe pedagogë të kësaj shkolle kanë përcjellë përvojat e tyre. Erjona Katro: “Gëzimi në sytë tuaja sot më rikthen mbrapsht në vite, sërish në ditën e diplomimit tim. Edhe unë po ashtu si ju sot isha po aq e frikësuar, po aq e emocionuar dhe e lumtur në të njëjtën kohë dhe kështu si ju sot përpara meje hapej një kapitull i ri, një botë e madhe mundësish, sfidash, ëndrrash që prisnin të realizohej e shpalosej përpara meje. Ishte “UFO University” ai që përmbushi aspiratat e mija profesionale në mënyrën më spektakolare”. Frida Ferhati: “Katër vite më parë të gjithëve na bashkojë “UFO University” një dëshirë e një qëllim, të rritemi profesionalisht, të kualifikohemi dhe ja dolëm”. Në fjalën e tij, gjatë ceremonisë së dhënies së diplomave, presidenti i Universitetit Astrit Veliaj, ka theksuar mbështetjen që kjo shkollë do të vijojë të japë në lëmin e dijes, me hapjen e degëve të tjera në Tiranë e në rrethe. Astrit Veliaj: “600 familje kianë nga një fëmi më shumë të shkolluar. Ndjehem krenarë për këtë që arritëm me punë të ndershme, me vullnet e sakrifica. Më lejoni të përshëndes kryeministrin e Shqipërisë i cili e quajti prioritet absolut arsimin privat, i cili na ka mbështetur në gjithë veprimtarinë tonë, ka krijuar 2 projekte 1 të Brengenit dhe të bursave të ekselencës. “UFO University” ka lançuar programin për kualifikimin e administratës shtetërore, kemi dhënë 550 bursa me taksë më të ulët se shteti dhe kemi marrë një iniciativë të guximshme. Kemi marrë iniciativën për të hapur një universitet me taks shtetërore në një nga qarqet e Shqipërisë që quhet Berat dhe për këtë iniciativë dua dhe njëherë të falënderoj qeverinë dhe kryeministrin shqiptar që na dha mundësinë e licencimit”. Për studentët e mjekësisë, betimi i Hipokratit ka ardhur përmes zërit të aktorit Mirush Kabashi. (Betimi) E ndërsa të gjithë kanë marrë në duar diplomat, për më të mirët ka pasur edhe stimuj vlerësues, që kanë kulmuar me medaljen e arit. E natyrisht arritjet dhe sfidat e të sapo diplomuarve, do të shërbejnë si një shembull për pasardhësit e tyre në këtë universitet, ku duket se studentja më e re është këngëtarja Greta Koçi./tvklan.al Gazetare: Manjola Bregasi SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/