Dmanisi rayonu Hamamlı kəndində "HAMAMLI GÜNÜ"nün üçüncü dəfə qeyd olunması

___Keçmiş kənd soveti sədri Mübariz Məmmədovla əsasını qoyduğumuz "Hamamlı günü" bu il 14 iyul 2018-ci ildə yeni kənd soveti sədri Paşa Paşayevin təşkilatçılığı ilə təntənəli şənlik şəraitində 3-cü dəfə qeyd edildi. Ənənəyə çevrilmiş "Hamamlı günü" hər il 14 iyul tarixində qeyd ediləcəkdir. Harada yaşamasına və hansı vəzifədə çalışmasına baxmayaraq çörəyini yediyi, boya-başa çatdığı, havasını udub, suyunu içdiyi, meşəsini, dağlarını, dərələrini gəzdiyi, doğma kəndi Hamamlının qanı damarlarında axırsa heç olmazsa ildə bir dəfə vaxt ayırıb ailəsi, qohumu, dostu ilə görüşüb bir yerdə doğma elinin ad günü şənliyində iştirak etməsi əsl Hamamlının hər birinin müqəddəs borcudur. Kənardan baxıb qürrələnmək, özünü və başqasını öymək, doğma elinin şənliyinə, kədərinə biganə qalan əsl Hamamlı ola bilməz! Hamamlı hamımızın Vətənimizdir! Onu yaşatmaq, inkişaf etdirmək, tədbir və şənliklərdə dəvətsiz iştirak etmək hər birimizin borcumuzdur! Yaşasın Hamamlı kəndi və Hamamlısevərlər!