Faxralı kəndinin sakinlərini bir sıra infrastruktur problemləri narahat edir

Bolnisi rayonun Marneulinin kəndlərindən heç də fərqlənməyən Faxralı kəndinin sakinlərini bir sıra infrastruktur problemləri narahat edir. Kənd əhalisi yol, içməli su, zibil, idman və mədəniyyət mərkəzlərinin olamamasından şikayətlənirlər. Kənd əhalisini əsasən daxili yollarının bərbad olması narahat edir. Onların sözlərinə görə, illərdir ki, kəndin daxili yolları bərbad vəziyyətdədir. Yağışlı havalarda kəndin küçələrində hərəkət etməkdə çətinlik çəkdiyini deyən kənd sakinlərinin sözlərinə görə, palçıqlı yollarda məktəbə gedən uşaqlar daha çox əziyyət çəkməli olurlar. Dəfələrlə yerli hakimiyyətə müraciət etsələr də onların problemləri ilə maraqlanan olmayıb.