පෙර පාසල් ගුරු ප්‍රශ්නය විසඳන්න ගිය ප්‍රා.ස මාලිමා මන්ත්‍රී අම්මලාගෙන් ගුටි නොකා අනූනවයෙන් බේරෙයි

Ada Derana | ශ්‍රී ලංකාවේ විශ්වසනීය හා ප්‍රමුඛතම පුවත් සපයන්නා පෙර පාසල් ගුරු ප්‍රශ්නය විසඳන්න ගිය ප්‍රා.ස මාලිමා මන්ත්‍රී අම්මලාගෙන් ගුටි නොකා අනූනවයෙන් බේරෙයි “ඇයි බැරිද ගහන්න...ගහන එක ගහනවා...” කන්තලේ ගංතලාව ප්‍රදේශයේ ඇති මුල් ළමාවිය සංවර්ධන මධ්‍යස්ථානය කන්තලේ ප්‍රාදේශීය සභාව යටතේ පැවැත්වෙන අතර මෙම පෙර පාසල අවුරුදු 40කටත් වැඩි කාලයක් තිස්සෙ පවත්වාගෙන යනු ලබයි. මෙහි මේ වන විට ළමුන් 54 දෙනෙකු ඉගෙනුම ලබන අතර ගුරුවරුන් පස්දෙනෙක් ඉගැන්වීම් කටයුතු කරයි. හිටිහැටියේ ප්‍රධාන ගුරුතුමිය සමග ගුරුවරුන් තුන්දෙනෙකු ස්ථාන මාරු කිරීම් සිදුකර ඇත. මේ හේතුවෙන් පළමු වසරට පාසල් සඳහා ඇතුළත් වීමට සිටින දරුවන්ගේ අධ්‍යාපනයට බාධා ඇතිවන බව පවසා දෙමාපියන් අදාළ නිලධාරීන්ගෙන් හමුවී එය වෙනස් කර දෙන ලෙස ඉල්ලා ඇතත් එයට පිළිතුරක් නොලැබී ඇත. අද (15) උදෑසන පෙර පාසලට පැමිණි දෙමව්පියන් ප්‍රධාන ගේට්ටුව අවහිර කර අලුතෙන් පැමිණි ගුරුවරුන් දෙදෙනාට පෙර පාසලට ඇතුළුවීමට ඉඩ නොදී ප්‍රධාන ගේට්ටුව අවහිර කර වසා දමා ඇත. පසුව ඔවුන් කන්තලේ ප්‍රාදේශීය සභාවේ සභාපතිවරයාට පැමිණ, මේ ප්‍රශ්නය විසඳා දෙන ලෙස ඉල්ලා තිබුණි. එය දැනගත් ගමේ කන්තලේ ප්‍රාදේශීය සභාවේ මාලිමා මන්ත්‍රීවරයා එම ස්ථානයට පැමිණි අතර එහිදී දෙමව්පියන් හා මන්ත්‍රීවරයා අතර උණුසුම් තත්ත්වයක් ඇති විය. #AdaDerana #News #SriLankaNews #LatestNews #DeranaNews #TVDerana #TrendingNews #ViralNews #SriLanka #SLnews