Rreze Dielli - Fërgesa tradicionale me speca dhe gjizë nga zonja Albana

#rrezedielli #reportTV Fërgesë me speca dhe gjizë 200 gr gjizë 3 speca jeshil 2 speca të kuq 1 spec djegës 3 domate 3 hudhra të njoma 1 lgj gjalpë Vaj luledielli Kripë, piper i kuq Në një tigan me vaj bimor kaurdisim specat e kuq, pasi i kemi prerë mesatarisht. Shtojmë specat jeshil, nëse dëshirojmë shtojmë hudhrat e prera me gjithë bishtat dhe domatet e grira. Pasi i përziejmë mirë, rregullojmë shijen dhe shtojmë gjizën. E lëmë fërgesën të lidhet pak dhe në fund shtojmë gjalpë për shije. Sipër shtojmë spec të kuq pluhur dhe e vendosim në tavë për pjekje në furrë në 180 gradë për 15 minuta.