Pərixanım Mikayılqızı - Nəyimə lazımdır bu dünya mənim - Kamran M. YuniS

Şair, nasir, publisist, dövlət qulluğunun baş müşaviri, araşdirmaçi jurnalist-media medali mükafatçisi - Pərixanım Mikayılqızı - Nəyimə lazımdır bu dünya mənim Bəstəkar - Xəyyam Mirzəzadə - "Dörd bazar günü" film musiqisi Əgər ki, Tanrının yaratdığına, Dünya göz yaşıyla olursa qənim. Əgər hakimdirsə ömrümə kədər, Nəyimə lazımdır bu dünya mənim? Əgər ürəklərdə sevgi yoxdursa, Qəm çəkmək sevgidən, eşqdəm çoxdursa, Yalan öndə gedir, haqq oğrudursa, Nəyimə lazımdır bu dünya mənim? Həzin bir nəğmədən ağlayırıqsa, Ümidi sabaha bağlayırıqsa, Dərdi içimizdə saxlayırıqsa, Nəyimə lazımdır bu dünya mənim? Gülüşü çıraqla gəzir adamlar, Dərdlər dərd üstündən gəlir axşamlar. Əgər ümidlərdə yanırsa şamlar, Nəyimə lazımdır bu dünya mənim? Əkilən çiçəklər vaxtsız solursa, Badəyə şərbət yox, zəhər dolursa, Ölənlər öləndə xoşbəxt olursa, Nəyimə lazımdır bu dünya mənim? Mən haqqın yolunu arzulayıram, Haqqın yolunda da addımlayıram, Haqq yoxsa, mən nəyi alqışlayıram? Nəyimə lazımdır bu dünya mənim?