Prokuroria e Krimeve të Rënda kërkon 36 vjet burg për Shullazin dhe Ferhatin - (6 Tetor 2008)

Lajme arkiva 2008 36 vjet burg ka kërkuar Prokuroria e Krimeve të Rënda për Emiliano Shullazin dhe bashkëpunëtorin e tij në trafikun ndërkombëtar të heroinës, Ervin Ferhati. Një histori e mirëfilltë trafiku që nis nga Turqia me destinacion tregun italian është rrëfyer deri në detaje nga prokurorja e çështjes. Infiltrimi i shqiptarëve në organizatat mafioze në Itali, ka bërë që policia italiane të vihet në gjurmë të tyre. Dosja identikit me protagonist dy grupe shqiptarësh është hapur në Milano gjatë vitit 2004, tregoi se një trafik heroine nga Turqia në Itali drejtohej nga Emiliano Shullazi, shtetas kosovar dhe serb. Prokuroria e Krimeve të Rënda kërkoi dënimin maksimal që parashikon ligji për akuzën e trafikut të 22kg heroine. Dolores Musabelliu: “Lënda narkotike furnizohej nga Turqia nëpërmjet furnitorit të paidentifikuar mirë me emrin Mehmet dhe më pas nëpërmjet korrierëve importohen në Itali. Në fazën e parë të hetimit në veçanti dëgjimi i numrave në përdorim të furnizuesve ku bënte pjesë Lutfi Shabani, ndryshe Arben Shalaj, shqiptar ... si dhe Sonja Izabela Siberhon dhe Hube Jozef, ka bërë të mundur të individualizohet dhe t’i kushtohet vëmendje një organizate kriminale me veprim në Milano e përbërë nga 9 anëtarë.” Një prej 2 të pandehurve ka pranuar të jetë i pranishëm në sallë gjatë paraqitjes së konkluzioneve përfundimtare të prokurores, ndërsa Emiliano Shullazi nuk ka dashur të jetë prezent pothuajse në asnjë seancë gjyqësore. Ai në deklarimet e para dhe të vetme dhënë përpara prokurorisë ka deklaruar, se nuk është marrë me trafik heroine dhe se pasaporta me emrin e rremë Anton Nikolli marrë nga gjendja civile në Shkodër është bërë nga dikush pa dijeninë e tij. Pothuajse e gjithë banda e kryesuar nga shqiptarë, kosovarë dhe serbë kanë përdorur identitet të rremë./tvklan.al Gazetare: Anduena Llabani SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/