محمد العباسي | قصيده تحكي خيانة الاصحاب كلمات السجين ضيف الله القيسي | تسجيلات العباسي 777024292

#للتواصل_مع_المنشد_777024292 #محمد_العباسي #لاتنسئ_الاشتراك_بالقناة_وتفعيل_جرس_الاشعارات_تعليق_لايك #تسجيلات_العباسي_اشترك_لمشاهدة_المزيد #تشجيع_لنا_للاستمرار قصيده. شعريه. بعنوان لا قد سُجنا ورحنا عـــــــــاد حن با نعود وكل من خان ضيف الله يحسب حسابه كتب كلماتها السجين ضيف الله حسين حسن القيسي من اهالي ابناء محافظه حجه الله يفك اسره والقصيده تحكي وتعبر بما فيها ضيف القصيده الاخ عبد الله. الشعلي يقول ضيف الله احسين يا وجودي وجود من باعه القوم وخانوه يا جماعه صحابه وجود من باعه الاصحاب عند الحدود وبلغوا به وجابو موقعه فــــــــي غيابه وصرت ذلحين في سجن السعودي رقود من باطل اهل الردى والخاينين الكذابه ـــــــــ قد كنت اظن اصدقائي شامخين كالحيود لكن طلع كـل صاحب رمل مثل الترابه اصحابي اللي معاهم كنت دايم اجود واعطي لهم كل شي ظنيت انهم ذيابه طلعو ثعالب وطلعو خاينين العهود ولازم اليوم اوضح كل شي بالكتابه ____ دخلتهم جانبي والناس جمعه شهود علمتهم كيف نوع الشغل حقي وما به بذلت من اجل اعلمهم جميع العهود وفتح لهم ضيف قلبه قبل فتحه لبابه كانم معي بالمصالح كاسبين العقود واليوم قد خانو القيسي بساعة ذهابه ____ من داخل السجن ارسل بالحروف والردود واقول والناس تسمع للسجين في خطابه لا قد سجنا ورحنا عـــــــــاد حن با نعود وكل من خان ضيف الله يحسب حسابه كثر الثقه غطلتي يوم كنت طيب ودود مع الذي ما يصون في صاحبه والقرابه ـــــــــ والسجن هو للرجال لو كبلوني قيود يكفيني اني عرفت الخاينين العيابه والله هو ذي مخارج روح يوسف وهود قادر يخارجني اليوم من سجون الغيابه وانا اسأله لا يخليني على احد كنود ولا ينزل مقام الجيد لا الفسل عابه ـــــــــ واقول للي غدرني عشت مرقى سنود مثل الجبل والجبل والحيد كلن يهابه وكل خاين وكذاب يلقي اليوم عود والكل يحذر وما قصدي اكثر عتابه والوعد موعود يخرج حرها والبرود ما دام بطني نظيفه ما اخاف الرقابه ـــــــــ والاوفيــــاء والنشاما ما عليهمش زود لهم تحيات ضيف الله حسين وانتسابه مقضى جميل الوفي عادات ابي والجدود وانا حرام لاقضي اهل الجُمل إن به وما به وختم قولي يصيب الشر عين الحسود والخير للي ذكر خير البشر والصحابه