Rudina – Emisioni 9 Korrik 2026

Në programin “Rudina” u fol për një event shumë të bukur të zhvilluar më 10 maj në Philadelphia të SHBA-së. Bëhet fjalë pikërisht për eventin “Etnografia Shqiptare në Philadelphia”, një aktivitet që mblodhi së bashku shqiptarë nga të gjitha trevat në Shtetet e Bashkuara të Amerikës, në një festë të kulturës, traditës dhe identitetit kombëtar, ku madje pati edhe një sfilatë që kurorëzoi “Miss Philadelphia”. Në studio ishte organizatorja e këtij eventi shumë të bukur, Eva Dori, së bashku me vajzën që rrëmbeu kurorën e Miss Philadelphia, Erisa Murati. Në pjesën e dytë të “Rudina” ishte një talent tashmë ndërkombëtar në fushën e shkencave të natyrës. Është vetëm 14 vjeç, por duket se talenti i tij është shumë premtues, kjo edhe falë arritjeve të tij të njëpasnjëshme. Loris Qose, nxënës i shkollës “7 Marsi” në Cërrik, ka arritur një sukses të jashtëzakonshëm në arenën ndërkombëtare. Në Olimpiadën Botërore të Matematikës dhe Neo Shkencës, të zhvilluar në Orlando të SHBA-së në janar të këtij viti, ai fitoi medaljen e artë në matematikë dhe medaljen e bronztë në kimi. Në këtë kompeticion morën pjesë mbi 320 nxënës nga 21 vende të botës. Bashkë me Lorisin, në studio ishte edhe mësuesja e tij të matematikës, Flutura Hoxholli, e cila i qëndron pranë në këtë rrugëtim të tij. Në pjesën e tretë të programit “Rudina” u fol për kujdesin që duhet të kemi për lëkurën tani në verë dhe gjithashtu do të ndalemi te melanoma, një nga llojet më të rrezikshme të kancerit të lëkurës. Ajo zhvillohet në qelizat prej të cilave prodhohet melanina, pigmenti që përcakton ngjyrën e lëkurës sonë. Për të folu më gjatë rreth kësaj teme, në studio ishte mjekja dermatologe Irena Savo. Një show argëtues dhe informativ nga Rudina Magjistari, që shoqëron çdo pasdite familjet shqiptare, si programi më i ndjekur në këtë fashë orar, me të ftuar të shumtë VIP, por dhe njerëz të thjeshtë me historitë e tyre personale. Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/ #Rudina #RudinaMagjistari #TVKlan