Detaje të reja nga dhuna e së miturës në Fier.Nëna në vaj:O ma çorra fytyrën se isha vetëm në spital

Dhuna mes të miturve vijon të ngrejë alarmin në shoqërinë shqiptare. Një ngjarje e rëndë, e ndodhur në Fier dhe e bërë publike vetëm pasi pamjet u shpërndanë në rrjetet sociale, ka tronditur opinionin publik.Sipas kallëzimit të bërë nga një 17-vjeçare, më 8 qershor 2026 ajo është dërguar në banesën e një 19-vjeçareje, ku është dhunuar fizikisht nga kjo e fundit dhe nga dy vajza 15-vjeçare. E gjithë skena e dhunës është filmuar, ndërsa më pas pamjet kanë qarkulluar në rrjetet sociale, duke shkaktuar reagime të shumta.Pas denoncimit të bërë nga e mitura dhe nëna e saj në Komisariatin e Policisë Fier, strukturat e Policisë, në bashkëpunim me Prokurorinë, nisën menjëherë veprimet hetimore. Tre vajzat e dyshuara u shoqëruan në polici dhe pranuan se kishin ushtruar dhunë ndaj 17-vjeçares për motive të dobëta. Materialet procedurale iu referuan Prokurorisë për veprën penale "Dëmtime të tjera me dashje".Ndërkohë, hetimet kanë marrë një tjetër drejtim. Prokuroria e Juridiksionit të Përgjithshëm Fier ka regjistruar procedim penal edhe për veprën "Heqja e paligjshme e lirisë", kryer në bashkëpunim, duke hetuar nëse 17-vjeçarja është mbajtur kundër vullnetit të saj përpara se të dhunohej.Një zhvillim tjetër lidhet me një nga vajzat 15-vjeçare të përfshira në këtë ngjarje. Më 28 qershor ajo u arrestua pas kallëzimit të nënës së saj, e cila deklaroi se ishte dhunuar nga e bija. Pas procedurave ligjore dhe vlerësimit të autoriteteve kompetente, e mitura u dërgua për trajtim në një institucion të specializuar të shëndetit mendor në Tiranë.Ndërkohë, Drejtoria Vendore e Policisë Fier thekson se të gjitha veprimet janë kryer në kohë, në bashkëpunim me Prokurorinë dhe në përputhje me ligjin, ndërsa organi i akuzës vijon hetimet për të zbardhur plotësisht rrethanat dhe përgjegjësit e kësaj ngjarjeje.Një episod që rikthen në qendër të vëmendjes fenomenin shqetësues të dhunës mes të rinjve, ndikimin e rrjeteve sociale dhe nevojën për ndërhyrje të hershme nga familja, shkolla dhe institucionet, për të parandaluar ngjarje të tilla që lënë pasoja të rënda fizike dhe psikologjike tek të miturit. Subscribe në kanalin "News24 Albania" për më shumë lajme:    / news24albania   📌 Website: https://www.balkanweb.com/ 📌 News24 Facebook:   / news24alb   Instagram:   / news24al   TikTok:   / news24.al   X: https://x.com/news24al 📌 Balkanweb Facebook:   / balkanwebcom   Instagram:   / balkanweb_official   TikTok:   / balkanweb.official   X:   / balkanwebcom   #news24albania #mezemertehapur #news24 #evisahmeti #sociologji #psikologji #divorc #familjashqiptare #dhunanefamilje #tragjedinefamilje #avokat #prokurori #humanizem #historijete #empati #solidaritet #shprese #familje #ndihme #inspirim #dashuri