30 ОТБАСЫ БАСПАНАЛЫ БОЛДЫ

Пәтерлер Отбасы банк АҚ-ның «2-10-20» және «5-10-20» жеңілдетілген ипотекалық бағдарламасы аясында берілді. Бозарық шағынауданында көпқабатты үйлер көптеп бой көтеріп жатыр. Сол үйлердің пәтерлері бұл жолы көпбалалы және толық емес отбасыларға, жетім балаларға, мүгедектігі бар азаматтарға, сондай-ақ бюджет саласының қызметкерлеріне берілді. Қазіргі таңда Шымкентте 95 мыңға жуық азамат тұрғын үй кезегінде тұр. Осыған байланысты қалада халықты баспанамен қамту кезең-кезеңімен жалғаса бермек.