"ვის რა ჰქონდეს ხელოვნება" - რეზო შანიძის სტუდია - სტუმრად I არხზე (გადაცემა)

საზოგადოებრივი მაუწყებლის I არხი გადაცემა: ხალხური სიმღერის გაკვეთილები ავტორები: დავით ცინცაძე და მიხეილ ჯავახიშვილი 2019 წელი ტრიო: მთქმელი: ლაზარე ჭეიშვილი მოძახილი: ლევან ჭეიშვილი ბანი: რევაზ შანიძე ანოტაცია: სიმღერის ტექსტი აღებულია დავით გურამიშვილის პოემის "დავითიანის" - "სწავლა მოსწავლეთადან" - ცნობილი გურული მგალობელ - მომღერლის დიმიტრი პატარავას მიერ. მის მიერვე არის გაწყობილი გურულ ფოლკლორულ ჰანგებზე. 1930 - 1950 იან წლებში კი მისი ინტერპრეტირებული ვარიანტი - ქართული ხალხური სიმღერის სახელმწიფო ანსამბლის ხელმძღვანელმა კირილე პაჭკორიამ თავის გუნდთან ერთად ფირფიტაზე ჩაწერა. XX საუკუნის დასასრულს ქართული მისუკალური საგანძურის უდიდესმა მოამაგემ: ანზორ ერქომაიშვილმა გურიიდან ჩამოიყვანა იმ დროისთვის გურული სიმღერის უბადლო მცოდნე გური და ტრისტან სიხარულიძეები, რომელთან ერთადაც ტრიოში ჩაწერა ზემოთაღნიშნული სიმღერა. 2019 წელს კი რევაზ შანიძემ ამ ორი ვარიანტის შეჯერებული ვერსია ბავშვებს შეასწავლა. ბავშვთა ანსამბლებს შორის ამ სიმღერის "აღდგენა" ამ სტუდიის ნოვაციაა. ტექსტი: "ვის რა ჰქონდეს ხელოვნება, ჰქონდეს გულისხმიერება. არ დაფაროს ნიჭი თვისი, მოსთქვას ყველგან სიტყვა მცნება. ისმინე სწავლის მძებნელო, მიჰყევ მოსწავლის მცნებასა: ჯერ მწარე სჭამე, კვლავ ტკბილი - თუ ეძებ გემოვნებასა. თავს სინანული სჯობია - ბოლო ჟამს დანანებასა, ჭირს მყოფი, ლხინში შესული - შვებად მიითვლის ვნებასა. სწავლა ბოლომდე შენია, მუდამ შენთანა მყოფელი, ვერ გეცელების ვერავინ - არ არის გასაყოფელი. სხვას ყველას მახე უგია, თავისი გასაყოფელი თუ კაცსა ცოდნა არა აქვს - გასტანჯავს წუთისოფელი."