Salih Baba - Bendedir

Salih Baba - Bendedir Pîrim Muhammed Sâmî'dir mir'ât-ı Rahman bendedir Dergâhı vuslat-kâmıdır Ol nûr-ı sultân bendedir Hem Mantıku't-tayr olmuşam aynı iken gayr olmuşam Sırrı iken seyr olmuşam gizli nümâyân bendedir Hem nûrı hem nâr olmuşam hem güli hem hâr olmuşam Yağmur olup kar olmuşam hem âb-ı bârân bendedir Bu âlemin mesti benim dervişlerin postu benim Bir altı yok desti benim çok kenz-i hemyân bendedir Hem âsiyâb hem dâneyim ne uslu ne dîvâneyim Hem gevher-i dürdâneyim la'l ile mercan bendedir Gâhî tüvânger gâh gedâ gâhî semûm gâhî gıda Gâh karada gâhî suda berr ile umman bendedir Gâh canlara cânân benim gâh âfet-i devrân benim Gâh âşık-ı Yezdan benim Yûsuf-ı Kenan bendedir Gâhî gulam gâhî hoca gâhî yiğit gâhî koca Gâh gündüzem gâhî gece hem mâh-ı tâbân bendedir Gâh ehl-i sanat oluram gâh ehl-i vahdet oluram Gâh ehl-i himmet oluram her türlü elvan bendedir Şems-i Huda zerresiyem bu âlemin kübrâsıyem Bahrü'l-hayât katresiyem hem âb-ı hayat bendedir Gâh yanaram gâh tüterem gâh güle karşı öterem Gâh âteşe cân ataram hem şem-i pervan bendedir Gâh dil hazînem gâhi şâd gâhî uyûnam gâh Fırad Gâhî oluram Keykûbad âlem-i devrân bendedir Salih bu himmet câmîdir maksûdu vuslat-kâmıdır Madem ki pîrim Sâmî'dir hem kebş-i kurbân bendedir #salihbabadivanı #hayatiinanç #tasavvuf #salihbaba #abdurrahimreyhan #pirisami #serdartuncer #yunusemre #fuzuli #şiir #hakikat