Ka Burom jong ka Hima ki Bneng | ka Balang U Blei

Ym Don Briew Uba Lah Ban Thew ïa Kaei Kaba U Blei U la Pynkhreh na ka bynta ki Khun jong U U Apostol Paul u la long u nongïathuhlypa uba khraw namarba u la ïohi ïa ka burom jong ka bneng kaba lai. Hapoh ka sahit bneng kaba ïar bymjukut kaba u khun bynriew um lah ban shemphang, U Blei u la pynkhreh ïa ka lawei kaba donburom na ka bynta jong ngi. Dei na kane ka daw ba U la khot ïa ngi ban don ka jingïohi kaba ïar, ban ym peit sha ka khyndew, hynrei sha ka sahit bneng—kata, ka hima ki bneng. U Khrist Ahnsahnghong bad Ka Blei Ka Kmie Ki La Wan ban Plie ïa ki Khmat jong Ngi ban Ïohi ïa ka Hima ki Bneng Ngi dei ban jop ïa ki jingeh ka mynta da kaba pynleit jingmut ha ka burom jong ka hima ki bneng bad ka lawei kaba phyrnai kaba ap ïa ngi hangta. Lada ngim lah ban ngeit ha ka hima ki bneng, ha kaba kut ngin sa duh noh ïa ka jingngeit jong ngi hapdeng ka jingjynjar kaba shipor bad ngin sa ïehnoh ïa ka jingshisha. Pynban, lada ngi sngewthuh shisha ïa ka hima ki bneng, ka jingngeit jong ngi kan nangsan man la ka sngi, kaba pynlah ïa ngi ban ïoh bynta ha ka burom jong ka. Namar ka jingïaimut brai ka jong kata ka doh, ka long ka jingïap; hynrei, ka jingïaimut brai ka jong kata ka mynsiem, ka long ka jingim bad ka jingsuk keiñ. Rom 8:6 Namar ha ka jingkyrmen la pynim ïa ngi; hynrei, ka jingkyrmen ïa kaba ïohi kam long ka jingkyrmen: namar ïa kata ba uno uno ruh u ïohi, kumno u kyrmen pat ïa kata? Hynrei, lada ngi kyrmen ïa kata kaba ngim ïohi, te da kaba ïaishah ngi khmih lynti ïa kata. Rom 8:24–25 [Ka Balang U Blei World Mission Society ka bat ia ka hok jong kane ka bideo. La mana ban pyni ha ki jaka babym ioh jingbit bad ban sam khlem jingbit.] 〖World Mission Society Church of God〗https://watv.org 〖India〗 https://indiawmscog.org 〖WATV Media Cast〗 https://watvmedia.org/kha