“Na është ngushtuar jeta,” Banorët e Postribës në protestë: Gurorja po na ndot ujin e pijshëm

Banorët e Postribës në Shkodër kanë zhvilluar një protestë, pasi ata pretendojnë se një firmë gurore po dëmton ujin e pijshëm për gjithë zonën dhe të gjitha burimet natyrore. Ato i kanë bërë shkresa të gjitha institucioneve deri te kryeministri, por thirrjet e tyre kanë shkuar në vesh të shurdhër. Banorët thonë për Top Channel se gurorja punon mbi ujësjellësin e Postribës dhe ata pinë ujë jo të pastër, që kur kanë filluar punimet. “Është prishur jetesa me anë të kësaj guroreje. Të gjithë kërkesat kanë rënë në vesh të shurdhët. I bëjmë thirrje instancave që ne mos të bëhemi viktima. Presim përgjigje ose do të reagojmë vetë, pasi janë në rrezik jetët tona”, shprehen banorët. Copyrighted by News24 Albania