علّم ابن محماس / الشاعر بدر حصيب العتيبي يمدح الكثران

سعد بن محمد بن سعد الكثيري عنده إبل واستراحة خيام في باطن الحريق ويضيف الناس و أكثر ما يحضر بادية من مختلف القبائل، وجا عنده فهد بن سعود بن محماس الهزاني من شيوخ الهزازنة أمراء الحريق سابقاً وخوال سعد الكثيري وقال : (وش لك بهالبدو ما بهم فود) فرد عليه بدر بن حصيب المرشدي العتيبي بهذه القصيدة. علم ابن محماس تراه غلطان.. كلمة بدو للرجل ماهي بمنقود حنا بدو من ساس مافيه جحدان.. تاريخنا وافي ولا عنه منشود يشهد لنا في نجد لا قيل عتبان.. ولا شك ماجتنا على غير مجهود مثل بني عمه على الخيل ويلان.. تعرف فعايلهم مثل شامخ الطود وأبوي شيخ وعزوتي شانها شان.. له مجلس مفتوح وضيوفه وْرود ومن لا يعرفك ما يفرق بالأثمان.. ينشد قبل ينقد ترى العلم مردود وحنا ترى في مجلس الذيب سرحان.. رجل الكرم والطيب هو منبع الجود سعد فتح بابه عوايد كحيلان.. ماقال به ناقص ولا قال به زود فعله ينومس منجبه روس كثران.. قبيلةٍ بالطيب ماضي وموجود أهل الفعول الثابتة عبر الأزمان.. تاريخهم واضح وله عندنا شهود أهل السيوف المرهبة يوم الأكوان.. يوم الجهل والناس طارد ومطرود دخيلهم يامن وينعم ويزدان.. وعدوهم يلقى مشوك وبارود ومداتهم تروي ضما كل ضميان.. وفزعاتهم تشفي وجع كل ملحود ومن خير ربي خيرهم دوم ودان.. ورفيقهم من جودهم دايم يجود يقدمون الحشو مع قر حران.. بعد الدلال الصفر ثم أزرق العود نحبهم من ماضي الوقت للآن.. وتبقى محبتهم مع الوقت وتزود من دون قاصر في القبايل ونقصان.. ما يجحد فعول العرب غير مقرود بينت يوم إنه يناظر بحقران.. ويقول بدوٍ ياسعد مابهم فود وختامها صلوا على نسل عدنان.. رسولنا المختار ماهبت النود