Rais Ruto asema lazima ajikakamue vilivyo ndio taifa lisonge kimaendeleo

Rais William Ruto amebaini kuwa ataendelea kukaa ngumu ili kuendelea kufanikisha miradi ya maendeleo na kuliboresha taifa la Kenya. Rais Ruto aliyezungumza katika Ikulu ya Nairobi akisema ingawa amekumbwa na changamoto za maandamano ya kina na kesi nyingi mahakamani kupinga miradi yake, alikaa ngumu ili kuifanikisha hadi tamati. Ameweka wazi kuwa angekuwa kiongozi muoga, taifa halingekuwa na kitu cha kujivunia tangu achukue uongozi mwaka wa 2022.