Shkolla për trajnimin e gardianëve dhe oficerëve të sigurisë në burgje - (7 Nëntor 2002)

Lajme Arkiva - TV Klan 2002 Të punosh si gardian burgu duhet të përmbushësh disa kritere ligjore, fizike dhe psikologjike. Në vende të ndryshme ekzistojnë shkolla dhe akademi të veçanta për gardian dhe oficerë të sigurisë në burgje. Në Shqipëri, gardianët që punojnë kanë një arsim në nivel mesatar, ndërsa oficerët e sigurisë deri tani janë instruktuar vetëm në Akademinë e Rendit. Vitet e fundit Ministria e Drejtësisë ka çelur shkollën trajnuese për policinë e burgjeve. Me kamerën e TV Klan, futemi për të dëgjuar një orë leksioni taktik. Studentët janë disa punonjës të sigurisë në burgjet e Tiranës dhe Lushnjes. Kursantët e këtij trajnimi po instruktohen që tek elementët teorik të të drejtave të njeriut, njohuri mbi rregulloren e burgjeve, e deri tek rastet e përdorimit të armës në rast sulmi nga brenda apo jashtë burgut. Në bisedë me drejtuesit e shkollës së burgut, del qartë se përgatitja e oficerëve dhe gardianëve të burgut duhet të jetë e gjatë dhe në të ardhmen kjo shkollë ka nevojë për një trajtim më të veçantë. Konkretisht këta punonjës të sigurisë kanë njohuri të hershme që në ushtri e më vonë, për përdorimin e pistoletës TT, por në një demonstrim para kamerave kanë edhe shumë emocione. Jo pa shkas një nga orët e mësimit në këtë shkollë i kushtohet vetëm ushtrimit bazë atij të sigurimit të armës. Këta punonjës të burgjeve që punojnë aktualisht në repartet e sigurisë, rregulloren e burgut, kriteret e sjelljes me të dënuarit i mësojnë në praktikë dhe në kurse disa javore në këtë shkollë. Gjithsesi shkolla e burgut ka arritur të kualifikojë me kurse trajnuese, gati 90% të efektivëve të sigurisë së burgjeve në të gjithë vendin, ndërsa në të ardhmen pritet që kjo shkollë të funksionojë edhe si një akademi e mirëfilltë./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/