Ibrahimaj: Indeksim i pensioneve me 2,7% për vitin 2026, nis në 1 korrik

Këshilli i Ministrave ka miratuar indeksimin e pensioneve me 2.7%, i cili do të hyjë në fuqi më 1 korrik 2026. Lajmi u bë i ditur nga ministrja e Ekonomisë dhe Inovacionit, Delina Ibrahimaj, e cila theksoi se nga kjo masë do të përfitojnë rreth 900 mijë qytetarë, përfshirë pensionistët e pleqërisë, përfituesit e pensioneve të veçanta dhe përfitimeve të barrëlindjes. Ministrja njoftoi gjithashtu miratimin e një programi për 300 kredi të buta me normë interesi 0%, të dedikuara për punonjës të administratës publike. “Që prej datës 1 korrik, do të indeksojmë pensionet me 2.7 %. Të gjitha pensionet e pleqërisë por dhe pensionet e veçanta apo dhe përfitimet e barrë lindjeve janë rreth 900 mijë aplikues. Nga ana tjetër kemi një vendim shumë të rëndësishëm për sa i përket administratës publike si çdo vit sepse kemi disa vite që kemi aplikuar për strehimin për disa kategori të administratës publike dhe sot miratuam kuotat për 300 kredi të buta të cilat do të jepen me normë interesi 0% për disa kategori. Bëhet fjalë për punonjës të policisë së shtetit të cilët do të kenë 70 kuota, punonjës së policisë së burgjeve të cilët do të kenë 20 kuota, për arsimtarët të cilët do të kenë 70 kuota, për mjekë dhe infermier të cilët do të kenë 70 kuota dhe për ushtarak të cilët do të kenë 70 kuota. Në total janë 300 kredi të cilat do të miratohen dhe normat e interesit të kredive do të subvencionohen nga buxheti i shtetit”, u shpreh Ibrahimaj. Në mbledhjen e qeverisë u miratuan edhe disa akte ligjore në kuadër të procesit të integrimit evropian. Mes tyre janë projektligji për transparencën e emetuesve të titujve, i harmonizuar plotësisht me direktivat e Bashkimit Evropian, si dhe një projektligj që synon përmirësimin e funksionimit të tregjeve të kapitalit dhe rritjen e transparencës në klimën e biznesit. “Miratuam një numër aktesh të cilat lidhen me rrugën tonë drejtë anëtarësimit në BE. Janë 2 ligje të rëndësishme të cilat janë pjesë e kapitujve që mbulon ministria e Ekonomisë dhe Inovacionit që lidhen me zhvillimin ekonomik të vendit duke i dhënë më shumë transparencë të gjithë proceseve të bizneseve dhe më në detaj kemi miratuar projektligjin për transparencën e mëtuesve të titujve të cilët janë një fushë përgjegjësia të autoritetit financiar dhe projektligji që ne sot miratuam dhe është 100% i përfaruar me direktiva evropiane përmirëson të gjithë fushën ë tregjeve të kapitalit që është shumë rëndësishme në drejtim të një klime biznesi më të mirë për vendin”, tha ajo. Po ashtu, qeveria miratoi një projektligj për pagesat e vonuara në detyrimet kontraktore tregtare, i cili synon të forcojë drejtësinë në marrëdhëniet financiare mes bizneseve. Një tjetër vendim i rëndësishëm lidhet me rritjen e transparencës dhe përmirësimin e menaxhimit të ndërmarrjeve shtetërore, në përmbushje të detyrimeve të reformave dhe procesit të anëtarësimit të Shqipërisë në Bashkimin Evropian. “Miratuam një projektligj të rëndësishëm që lidhet me pagesat e vonuara në detyrimet kontraktore tregtare dhe është një projektligj i cili lidhet me marrëdhënien që tregtarët kanë me njëri tjetrin. Me miratimin e këtij ligji ka më shumë drejtësi në pagesat ndërmjet tregtarëve. Kemi miratuar gjithashtu një projektvendim i cili rrit transparencën dhe mirë menaxhimin e ndërmarrjeve shtetërore është një detyrim që ne kemi për reformën e agjendave, një plan i përcaktuar ku ne kemi detyrime çdo 6 mujore për miratimin e akteve ligjore që i përkasin procesit të integrimit evropian”, theksoi ministrja. RTSH 24 është një kanal informativ i paketës së RTSH. Informacionet vijnë në kohe reale nga gazetarët dhe lidhjet direkte nga terreni. Lidhje direkte për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. Qëllimi kryesor është informimi me paanshmëri i qytetarëve. Subscribe to our YouTube Channel: http://bit.ly/3H0S7oQ Find us at: https://www.rtsh.al/ Follow us on social Follow us and get updates from RTSH on social media: Facebook:  / rtshqiptar   Instagram:  / rtshqiptar   Twitter:  / rtshqiptar   Tik Tok:  / rtshqiptar   #RTSH24#RTSH#RadioTelevizioniShqiptar