{الحراق}(159) زائر الفجر

فيه واقعتين حصلوا في مصر ، ما بينهم تقريبا 52 سنة .. واحدة منهم كانت السنة دي ، 2025 ..وهي واقعة انتحار الشاب مصطفى ابو الوفا.. قبلها بقى ، وفي سنة 1973 ، كانت واقعة وفاة مخرج اسمه ممدوح شكري شاب برضه وكان عنده وقتها ٣٤ سنة .. مات في مستشفى الحميات نتيجة مرض غامض.. من اول لحظة كده ، وأنت شايفني حاطط الاتنين في جملة مفيدة ، ممكن تستغرب ، وتسأل إيه العلاقة اللي بتجمعهم؟ .. والحقيقة إن عندك حق.. مفيش أي علاقة إنسانية أو اجتماعية بتجمع الاتنين.. لكن فيه شئ واحد مشترك بينهم .. أنهم اتقتلوا.. تم اغتيالهم رغم إن مفيش متهم ، ولا أداة جريمة ولا بصمات .. اتقتلوا ، رغم إن تقرير الوفاة سليم مش مزور ، ومصر كلها شاهدة ، إن النظام برئ من دمهم ، والأمن اشرف من الشرف ..ومفيش أي أثر لضرب أو تعذيب بدني.. بس الحقيقة ، إن اللي قتلهم تعذيب بس من نوع تاني .. تعذيب الاكتئاب والقهر.. تعذيب الخوف وكسر الكرامة ، والظلم وتضييع الحقوق .. وده اسمه القتل البطئ .. في حالة مصطفى ابو الوفا ، اتحقن مرة واحدة ، بفيروس القهر وإهدار الإنسانية ، فوصل بيه المرض لإنهاء حياته .. وفي حالة ممدوح شكري ، اتحقن بفيروس الإرهاب المعنوي ، والاكتئاب اللي صابه بعد التضييق عليه ، ومنع عرض فيلمه اللي تعب فيه ، عشان هو نفسه ، يقدم بموته دليل عملي ، على صدق وواقعية ، كل اللي قاله في فيلمه اللي مشافوش ، لكن عاشه في الحقيقة .. الفيلم الممنوع من العرض زمان ، ولحد دلوقتي .. برغم أنه في الواقع المصري تحت حكم العساكر ، يعتبر عرض دايم ومستمر .. فيلم زائر الفجر للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض http://www.قooقle.com