ساعة ابل 7 | اهم المميزات والعيوب بعد ٣ اشهر من الاستخدام

لتكون انت المليونير التالي رابط قناتنا المتخصصة في ادارة واستثمار المال والوقت    / @millionairenow   حساب القناة على الانستقرام https://instagram.com/mrsloomx?igshid... ساعة ابل 7 | اهم المميزات والعيوب بعد ٣ اشهر من الاستخدام #ساعة #ابل #واتش كل سنه اشتري ساعة ابل و كل سنه ما تستمر معي اكثر من شهرين. الا هذي السنه! هذي الساعة مليئة بالمميزات تخليك تعشقها وكثيرة العيوب تخليك تكرهها! فقلت اسويلكم هالفيديو ابيين مميزاتها وعيوبها واذا تستاهل الاقتناء لانه في شغلات لازم تعرفوها؟ [ ] اسرع بمراحل من الجيل الاول والثاني والثالث وبدا التحسن في النسخه الرابعة [ ] تحفزك تكون صحي، اوقف لما تجلس كثير ، خذ نفس ريح بالك صديقك ركض قوم اركض، سكرت حلقاتك هالاسبوع خذلك درع [ ] الواجهه عملية جدا للشخص العملي! اسهمك المفضلة، درجة الحرارة الكاملة في لمحة تاريخ اليوم واي معلومه حاب تشوفها. رتب واجهتك بالطريقة اللي تحبها! [ ] في كتاب العادات الذرية، علشان تخلق عاده ايجابية لازم تخليها سهله وممتعة | فلما تقتني ساعة تسجللك كل خطواتك وتحفظك وتعطيك محفزات تسههلك انك تبني عاده ايجابية [ ] تقلل من حاجة استخدامك للهاتف | لما تستلم تنبيه فالساعة، راح تشوفه وخلاص فتقلل من تضييع الوقت في تصفح الهاتف لانه من عاداتنا السيئة بمجرد انك تفتح الهاتف راح تمسكه وتتصفح مواقع التواصل الاجتماعي بشكل تلقائي حتى بدون لا تحس. [ ] سهله لقراءة الكتب الصوتية واستماع الموسيقى او البودكاست خلال الركض بس لازم يكون عندك سماعة ايربودز | راح تستمتع بالتجربة وتخليك تستمر فيها! [ ] جدولي مزدحم جدا و لازم امشي او اركض يوميا بس احس وقتي اهم من امشي بالساعات بدون القيام باي عمل. ف الحين اقرآ كتبي المفضلة وانا امشي والشكر يعود لهالساعة بس مش كلها سن شاين اند رينبو | عيوبها كتييير!!! [ ] رقم واحد عند كل الناس البطارية حدها ٢٤ ساعة. يعني لو ساير تخييم او طالع على فندق ليلة لازم تشل معاك شاحن خاص لها! مب مكفي انه الايفون يستخدم شاحن خاص [ ] والاجهزة الاخرى شواحن يو اس بي سي | تصير الشنطه كلها شواحن. بس انا حصلت الحل لهالمشكلة [ ] عند السرير اشتريت هالمنتج والحين قبل النوم اشحن كل اجهزتي وخليتها عادة والحمدلله مشت [ ] ولما اطلع فندق هذا المنتج بيشحن ايفونك و ساعتك واذا تبي شي ارخص خذا ويستخدم منفذ يو اس بي سي علشان ماتضطر تشل الا كيبل واحد لكل الاجهزه عندك طيب حلينا مشكلة البطارية نوعا ما ومشينا امورنا بالبطارية الزفته [ ] التصميم ! التصميم مش سيئ بالعكس وخاصة مع السير تقدر تصمم الساعة على حسب ذوقك. بس تضل مش ساعة فخمه للمناسبات الكبيرة، تصميمها رياضي اكثر من انها لكجري او انيق [ ] انا ما احب الساعات المربعية او المستطيلة، [ ] احتكار ابل الغريب؟ عندي خدمة يوتيوب ميوزك! ما اقدر انزل اغاني فالساعة واستخدمها بدون الايفون. فالمقابل خدمة ابل ميوزك تسمحلك بهالشي. بس الغريب حتى سبوتيفاي تدعم الموسيقى بدون الايفون. ما ادري شو المشكلة لانه الكتب والقصص والبودكاست ينزل فالساعة. بس يوتيوب ميوزك مش راضي يشتغل. ابل عودتنا الاحتكار في الماغسيف ابل ماموزعة هالتقنية الا لها وبلكين. [ ] تعتبر من اغلى الساعات الذكية وخاصة مع مشكلة اشباه الموصلات اللي يواجهها العالم صار سعرها بحدود ال٥٠٠ دولار. فمن الخساره انك تشتري هالساعة اذا ما كنت ناوي تستخدم كل مميزاتها وتضل تشحنها يوميا بس علشان تستلم تنبيهاتها. فهل انصح باقتنائها؟ ارجع للمميزات اللي ذكرتها اذا كنت واثق انك بتستخدم ٤ مميزات من السبع اللي ذكرتها او اكثر ف تستاهل الاقتناء طبعا هذا لو كنت من مستخدمي الايفون! لو كنت تستخدم هواوي او سامسونج والخ، ف ساعة هواوي انسب لك بمراحل او حتى ساعة سامسونج ليش اقول هالكلام؟ لانه التكامل بين جزين من نفس الشركة راحي يضيف مميزات حصرية، تفتح الايفون وانته لابس كمام تفتح الماك بالساعة، تحصل اجهزة ابل الضايعة ب سيري والخ….