EP01: Жеральд Мартин - Габриэл Гарсиа Маркес, намтар

“Болор судар” хэвлэлийн газраас подкаст нэвтрүүлгийн шинэхэн дугаараа уншигчдадаа хүргэж байна. Подкастын эхний зочноор Астрид Линдгерний “Жаалхүү, Карлсон хоёрын тухай гурван тууж” номыг Монголын уншигч хүүхэд багачуудад анх танилцуулж, цаашлаад У.Шекспир, Карло Гольдони, Карло Гоцци, Бернард Шоу, Бертольд Брехт нарын бүтээлүүдийг монголчлохын зэрэгцээ “Кихот ноён”, “Амьгүй албат”, “Фауст” зэрэг дэлхийн сонгодгуудыг тайзны бүтээл болгон бичсэн нэрт орчуулагч, жүжгийн зохиолч Норовын Пүрэвдагва оролцлоо. Бид энэ дугаарт Латин-Америкийн утга зохиолын суут, дэлхийн уран зохиолд “шидэт реализм” хэмээх бичлэгийн өвөрмөц жанрыг бий болгосон Габриэль Гарсиа Маркесын намтар номын тухай болоод орчуулгын хөдөлмөрийн талаар сонирхолтой яриа өрнүүллээ.