ಅಧಿಕ ಮಾಸದಲ್ಲಿ ಅನಂತಶಯನಸ್ವಾಮಿಯ ಸೇವೆ - ಹೊಳಲು ಗ್ರಾಮ

ಅಧಿಕ ಮಾಸದ ಅಷ್ಟಮಿ ದಿನವಾದ ಜೂನ್ 8,2026ರಂದು ಹೂವಿನಹಡಗಲಿ ತಾಲ್ಲೂಕಿನ ಹೊಳಲು ಗ್ರಾಮದ ಶ್ರೀ ಅನಂತಶಯನ ದೇವಸ್ಥಾನದಲ್ಲಿ ಅಷ್ಟದ್ರವ್ಯ ಗಣಪತಿ ಯಾಗ ನಡೆಯಿತು.. ಬೆಳಗ್ಗೆ ಗೋಪೂಜೆಯೊಂದಿಗೆ ಪ್ರಾರಂಭವಾಗಿ ನಂತರ ಶ್ರೀ ಅನಂತಶಯನ ಸ್ವಾಮಿಗೆ ಅಷ್ಟಶತ ನಾರಾಯಣ ಸೂಕ್ತದೊಂದಿಗೆ ಪಂಚಾಮೃತ ಅಭಿಷೇಕ ನೆರವೇರುವ ಮೂಲಕ ಪ್ರಾರಂಭವಾದ ಈ ಸೇವೆಯು ಮಧ್ಯಾನ್ಹ ಬ್ರಾಹ್ಮಣರಿಗೆ ಭೋಜನ ಧಾನದ ಮೂಲಕ 3 ದಿನಗಳ ಕಾಲ ನಡೆಯಲಿರುವ ಸೇವಾಕಾರ್ಯದಲ್ಲಿ ಮೊದಲ ದಿನದ ಸೇವೆಯು ಮುಕ್ತಾಯವಾಯಿತು. ಎರಡನೆಯ ದಿನವಾದ ಜೂನ್ 9,2026ರಂದು ಶತರುದ್ರಾಭಿಷೇಕ ಹಾಗೂ ಅಖಂಡ ಹನುಮಾನ್ ಚಾಲೀಸ ಭಜನಾ ಸೇವೆಯು ಇರಲಿದ್ದು ಮೂರನೆಯ ದಿನದಂದು(ಜೂನ್ 10,2026ರಂದು) ಸಾಮೂಹಿಕ ಶ್ರೀ ಸತ್ಯನಾರಾಯಣ ಸ್ವಾಮಿ ಪೂಜೆ ಇರಲಿದೆ.