N'IBITANGARO CANE BIRADUSIGA KANDI BIRANAKABONA BIDUSIZE: UMUSI MUKURU CANE W'ISAKRAMENTU RYERANDA

Umusi mukuru w'Isakramentu Ryeranda (Corpus Christi) ry'Umubiri n'Amaraso vya Kristu ni umusi Ekleziya Gatolika yibukirako kandi ikaninahaza ukwemera kwayo ko Yezu Kristu ariho vy'ukuri mu Mukate n'Umuvinyu vyeguriwe Imana mu Misa, bihinduka Umubiri n'Amaraso vyiwe. Uyu musi ukurikira Umusi Mukuru w'Ubutatu Bweranda. Uyu musi mukuru watangujwe mu kinjana ca 13, hanyuma Papa Urbani wa IV arawugira umusi mukuru wa Ekleziya yose mu 1264. Intumbero yari iyo gufasha abakristu gukomeza ukwemera no gukunda Yezu ari muri Ukaristiya. Ku musi w'Isakramentu Ryeranda: Turaninahaza ingabire ikomeye Yezu yaduhaye yo kuguma ari kumwe natwe muri Ukaristiya. Turashimira Imana kubera urukundo rwayo rwatumye Kristu yitanga ngo abe imfungurwa z'ubugingo bwacu. Turahamagarirwa kwegera kenshi Isakramentu no kwakira Ukaristiya twiteguye neza. Mu bibanza vyinshi haba urugendo rw'isengesho (procession) rwitwaje Isakramentu Ryeranda kugira ngo abakristu basenge kandi bashingire intahe ukwemera kwabo. Ubutumwa bw'uyu musi mukuru Yezu atugaburira Umubiri n'Amaraso vyiwe kugira ngo aduhe ubuzima budashira, adukomeze mu rugendo rw'ukwemera kandi aduhuza na we no hagati yacu. Umusi w'Isakramentu Ryeranda ni akaryo ko gusubira kwiyegereza Yezu ari muri Ukaristiya no kumushimira urukundo rwiwe rutagira urugero. Icivugo gikwiriye n'uyo musi: "Yezu ari muri Ukaristiya, ni we Mfungurwa z'ubuzima budashira." 🙏✝️🍞🍷 🙏 Nimwumve, musangire, kandi mushigikire ubu butumwa bwiza. Ntiwibagire gukora Like, Commentaire, no Gusangira iyi ndirimbo kugira ishike ku bantu benshi bashoboka mu kugira Share! 📌 Abakunzi b’indirimbo zo guhimbaza Imana, enjoy!