Kush është 'Kali i Trojës' te protesta para zyrës së Ramës? E zbulon Armir Shkurti!

Moderatorja Pranvera Borakaj ka ndarë reflektimet e saj lidhur me protestën që po zhvillohet në Shqipëri, duke theksuar se, megjithëse e ka mbështetur që në ditën e parë, disa zhvillime gjatë saj duket se e kanë devijuar nga qëllimi fillestar dhe nga qytetaria e treguar gjatë javëve të para. Ajo theksoi se protesta duhet të ketë fuqinë për të bindur qytetarët dhe jo për t’i imponuar apo përjashtuar ata që nuk ndajnë të njëjtin qëndrim. Borakaj kritikoi gjithashtu përdorimin e gjuhës vulgare ndaj figurave politike, duke theksuar se një sjellje e tillë nuk përputhet me idenë e saj për një Shqipëri moderne dhe demokratike. Nga ana tjetër, i ftuari në studion e emisionit “Quo Vadis”, Armir Shkurti, tha se protesta është një lëvizje popullore dhe si e tillë përfshin shtresa të ndryshme të shoqërisë. Biseda: Borakaj: Dua të jem shumë e vërtetë. Unë kam qenë që nga dita një në protestë, kam sjell edhe fëmijët. Por ka disa momente që më kanë stepur në raport me atë që ndodh në protestë. Kjo ishte një shpresë e jashtëzakonshme për Shqipërinë, por ka disa moment që realisht nuk më bëjnë krenare për atë që ndodh aty. Problemi është me sistemin, është me qeverinë, nuk mund të jetë as me individët që zgjedhin të argëtohen në një koncert dhe etiketohen, urrehen, shahen, mallkohen në rrjete sociale. Nuk mund të jetë as me bizneset, të cilët zgjedhin në lirinë e tyre të mos i bashkohen protestës. Protesta ka fuqinë të të bind, që edhe nëse ke qenë në rrugën e gabuar, të ndryshosh. Por nuk mund të të imponojë në momentin kur nuk do të jesh në të njëjtën linjë. Nga ana tjetër jam shumë dakord që të ngrihet gishti ndaj problemeve, por më tingëllon keq që disa burra ulen në shesh dhe përdorin fjalor vulgar ndaj një deputeti të caktuar. Kjo nuk është Shqipëria e re në këndvështimin tim. Unë imagjinoj një Shqipëri të re, e cila ka një platformë, me njerëz intelektual dhe dalin aty e më tregojnë një platformë ndryshe nga kjo. Më korrigjo nëse jam gabim. Më vjen keq që e kam marrë këtë shije, sepse ishte një shpresë e jashtëzakonshme për Shqipërinë. Shkurti: Unë që në ditën e 3-4 kam bërë një shkrim “Kujdes nga Kali i Trojës”. Kjo është një protestë popullore dhe populli nuk është një masë homogjene. Ka njerëz që fillojnlë që nga një nivel i ulët popullor e deri te akademikët. Unë e quaj “protesta e parfumit” sepse qytetaria po mbyt harbutërinë e regjimit.