'Burgu i Shëndetit' libër nga Altin Joka / Nutricionisti rrëfen sëmundjen që i rrezikoi jetën

#rrezedielli #reportTV Nutricionisti Altin Joka, sjell librin "Burgu i Shëndetit", një guidë udhërrëfyese e të jetuarit shëndetshëm dhe larg sëmundjeve. Një libër që ofron këshilla mbi mënyrën e të ushqyerit, parandalimin dhe luftimin e sëmundjeve…. për të dalë nga burgu i sëmundjeve…gjithashtu në ndihmë dhe qindra receta gatimi të shëndetshme! PSE BURGU I SHËNDETIT? Sot, në krahasim me rreth njëzet e pesë vite më parë, janë 30-fishuar produktet ushqimore nëpër supermarkete, aq shumë sa klienti është çorientuar totalisht në zgjedhjet e tij. Janë shtuar në mënyrë masive gatimet e çastit si pikat tregtare, por dhe ushqimet e përpunuara janë bërë "hit" për shkak të estetikës së shtuar dhe shijeve varëse nga më të ndryshmet, të cilat i përshtaten bulbave të shijimit tek njeriu. Kështu, shumë konsumatorë vëmendjen e tyre ushqimore e kanë të drejtuar nga këto ushqime duke lënë mënjanë perimet dhe frutat, madje dhe duke i urryer një pjesë të tyre me justifikimin se nuk ju pëlqen shija. Kështu, kur gjendja e njeriut arrin në pikën më të hollë të fillit përsa i përket shëndetit të tij apo mbipeshës, në konsultat me mjekët, dietologët e nutricionistët, e konsiderojnë mundim dhe sakrificë t'iu rikthehen ushqimeve të shëndetshme duke e parë veten e tyre si të "burgosur nga perimet dhe frutat". Prandaj, kur gjithsecili t'i thërrasë mendjes dhe trupit të sëmurë, rruga e vetme është drejt gatimeve dhe ushqimeve të shëndetshme, perimet dhe frutat, arroret, drithërat dhe çajrat. Atëherë dhe vetëm atëherë ai person do dalë nga "liria" dhe dëmi të cilin i ka shkaktuar vetes dhe të shkojë në "burgun" e shëndetit, vitalitetit, mirëqenies dhe të një jete më të gjatë e cilësore.