E ftuara i zbulon jetët e mëparshme Katerina Trungut: Je mbytur dy herë...

A mund të jetë një frikë irracionale, një ndjesi mbytjeje apo një fobi e pazakontë thjesht një shenjë që vjen nga... një jetë e mëparshme? Në studion e emisionit “Shije Shtëpie” në Tv Klan, një bisedë ndryshe mes moderatores Katerina Trungu dhe mjeshtres së meditimit Amadea Stefa “hapi derën” përtej të zakonshmes në botën e shpirtit, kujtesës së thellë dhe jetëve që mbase i kemi jetuar më parë. Kur Katerina Trungu ndau frikën e saj të çuditshme ndaj kolltukëve me shumë copë, Amadea Stefa e lidhi këtë me një jetë të kaluar në një kështjellë franceze ku shpirti i saj, dikur i mbyllur si një princeshë e pafat, tani reagon me ankth ndaj objekteve që i kujtojnë "burgun" e mëparshëm. Por kjo është vetëm një pjesë e historisë... Katerina Trungu: A mundet që një jetë të mëparshme të bërë nga ne, që mund të ketë një humbje tragjike jete, një jetë e mëparshme, një ngjarje traumatike, në jetën tonë të tanishme ne ta ndjejmë atë lloj traume, por pa e ditur arsyen? Unë personalisht kam fobi nga një lloj objektesh, kolltukësh, karrige, që janë me shumë copë më japin ndjesinë e mbytjes. Mund të duket e çuditshme, por është perceptimi im. Them me shaka ndonjëherë, por mund të jetë shumë logjike për ju, që në një jetë të kaluar të më ketë ndodhur diçka që mua tani më jep këtë ndjesinë mbytëse. Mund të kemi ne frikëra nga jeta e kaluar? Amadea Stefa: 100%! Pothuajse mbi 90% të emocioneve që ne mbajmë, të sfidave dhe çfarëdolloj fjale, sëmundjeje janë të lidhura me të kaluarën tonë. Ne ose i shtojmë, ose i zvogëlojmë. Nëse do të vazhdosh që të kesh frikë nga objektet, atëherë ti do të vazhdosh që ta shtosh atë informacion. Nëse i thua vetes që këto janë thjesht një krijim, atëherë çdo gjë fillon dhe rikthehet edhe një herë në zero, zhduket ai informacion dhe ti e kthen në zero. Në rastin tënd është në një jetë që ke qenë në Francë dhe aty ke pasur disa gjëra që të kanë mbyllur në një kështjellë. Ke qenë si një princeshë e mbrojtur, por nga ana tjetër ke qenë edhe e mbyllur, nuk të është lejuar që të lashtë për vite. Për ty ka qenë çdo gjë në atë vend që tani të paraqitet e kundërta. Ka qenë si një burg, ku thua nuk dua të jetoj. Dhe kjo gjë të rikthehet edhe një herë në formën tjetër ndoshta, në një formë ankthi. Katerina Trungu: Pra ti mundet që ta shohësh tani disa jetë të mëparshme të miat? Amadea Stefa: Është një dhunti që unë kam, që mund të shikoj disa jetë të mëparshme të të tjerëve dhe më shfaqen në një formë vizioni, si në ëndërr, në momentin që më lejohet, sepse jo çdo gjë të lejohet. Nëse shpirti jot të lejon, atëherë unë tregoj. Katerina Trungu: E lejon shpirti im në këto momente? Amadea Stefa: Disa gjëra po. Katerina Trungu: Dhe çfarë shikon? Amadea Stefa: Ke frikë edhe nga uji. Më tregon që në dy jetë je mbytur, një ka qenë në një anije, po këto anijet e vjetra dhe keni kaluar nga Spanja/Portugalia në drejtim të Amerikës së Jugut. Dhe ajo fatkeqësi që të ka ndodhur në ujë, të ka bërë që sa herë ke kontakt me ujin, të kesh frikë. Disa mund të kenë frikë nga arkivolet. Katerina Trungu: Realisht është një nga fobitë e mia më të mëdha. Një nga gjërat më të frikshme për mua. Jemi dhe në transmetim edhe nuk dua që të tregoj shumë detaje, por unë e kam lënë si porosi familjarëve të mi, që unë nuk dua të varrosem. Dua që nëse do të ishte e mundur nga ana mjekësore, të dhuroheshin organet e mia tek njerëz që kanë nevojë. #ShijeShtëpie Nga e hëna në të shtunë, live, nga ora 09:05-11:00, me Katerina Trungun & Znj.Vjollca. Një emision edukues, informues, argëtues. Çdo ditë me recetat e thjeshta dhe mbi të gjitha ekonomike, të Zj.Vjollca u tregon dhe mëson amvisave të çdo moshe si të gatuajnë receta të shijshme për të mbushur tavolinat e familjeve të tyre. Çdo ditë me Katerina Trungun informojmë publikun ndërmjet rubrikave dhe të ftuarve, me këshilla të thjeshta praktike, të kuptueshme nga të gjithë, për çdo aspekt të të përditshmes. Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/ #Receta #ZonjaVjollca #KaterinaTrungu